सिंगापुरे लाहुरेसँग विवाह गरेकी सोनीको मृत्यु प्रकरणमा ससुरासहित ४ पक्राउ

  • भदौ २४, २०७७
  • ४२११७ पटक पढिएको
  • प्रदेश पोर्टल
alt

धरानः सिंगापुरे लाहुरेसँग विवाह गरेकी सुनसरीको धरान ११ निवासी २२ बर्षीया सोनी लिम्बूको मृत्यु प्रकराण्मा प्रहरीले उनका ससुरासहित ४ जनालाई आज पक्राउ गरेको छ ।

धरानका युवराज माबोसँग तीन महिना अगाडि विवाह गरेकी तेह्रथुम माइत भएकी सोनी हाङ्मा लिम्बू सोमबार मृत अवस्थामा कोठामा फेला परेकी थिइन । कोठामा झुन्डिएर आत्महत्या गरिएको परिवारले बताएपनि माइती पक्षले उनको हत्या भएको भन्दै प्रहरीमा जाहेरी दर्ता भएको थियो । घटना स्थल प्रहरी पुग्दा सोनीको शव ओछ्यानमा थियो ।

इलाका प्रहरी कार्यालय धरानका प्रमुख डिएसपी ज्ञानेन्द्र बस्नेतका अनुसार माइती पक्षले दिएको जाहेरीको आधारमा उनका ससुरा ६१ वर्षीय भीम माबो, जेठानी दिदी २८ बर्षीया सन्जु माबो, २५ बर्षीया विमला माबो र देवर २० वर्षीय हेमकुमार माबोलाई बुधबार पक्राउ गरिएकोे हो । पक्राउ परेकाहरूलाई बिहीबार जिल्ला अदालत सुनसरीमा म्याद थप गर्ने तयारी छ । माइती पक्षले शंकास्पद व्यक्तिहरु पक्राउ नगरी पोस्टमार्टम गर्न नदिने अडान राखेको थियो ।
माइती पक्षले सोनीलाई घर परिवारबाट टर्चर दिएको र उनको मृत्यु भएकोबारे पनि आफूहरुलाई जानकारी नदिएकोले घटना रहश्यमय भएको बताएको छ । सोनीको मृत्युको खबर सिंगापुरबाट आफन्तले दिएको काका टेकराजले बताए ।

झुन्डिएको अवस्थामा झारिएको हो भने किन तुरुन्तै हस्पिटल लगिएन भन्ने प्रश्न माइती पक्षको छ । यस्तै घाँटीमा गोलो दाग भएको, रालसिंगान केही नदेखिएको तथा झुण्डिएको भनिएको सल नकाटी र नखोली शव झारियो भन्नु रहश्यमय रहेको उनीहरुको भनाइ छ ।

काका टेकराजका अनुसार तेह्रथुमको छथर गाउँपालिका–५, ओख्रेकी सोनी र सिङ्गापुर प्रहरीमा कार्यरत मावो लिम्बूबीच फेसबुकमा चिनजान भएर प्रेम सम्बन्ध बसेको थियो । गत असार ५ गते फुलमाला भएको र पछि विवाह गर्ने भन्दै युवराजले सोनीलाई धरान ल्याएको माइती पक्षले जनाएको छ ।
सिंगापुरे लाहुरेसँग विवाह गरेकी सोनीका श्रीमान भने विवाहपछि सिंगापुर फर्किसकेका छन । श्रीमान नभएको बेला सम्बन्ध विच्छेद गर्न दबाब दिएको र अहिले हत्या गरेको सोनीका काका टेकराज तिगेलाले बताए ।

सोनीका परिवारले भने सोमबार बिहान खाना खान बोलाउदा नबोलेपछि ढोका फोडेर हेर्दा सलले पंखामा झुण्डिएको अवस्थामा भेटेको दावी छ । झुण्डिएको देखेपछि देवरले समातेर उचालेको र छिमेकी एक महिलाले सलको पासो फुस्काएको उनीहरुको भनाइ छ ।

 

प्रतिक्रिया दिनुहोस

महालक्ष्मी विकास बैक र आर्या ब्युटि आर्टबीच ग्राहकलाई सहुलियत दिने सम्झौता

धरानः आर्या ब्युटि आर्ट एण्ड एकेडेमी र महालक्ष्मी विकास बैंकबीच ग्राहकलाई सहुलियत दिने विषयमा सम्झौत ...

खतरा महसुस हुनेबित्तिकै खबर गर्नुहोस्: प्रहरी

काठमाडौँः नेपालीहरूको मुख्य चाड नजिकिएसँगै नेपाल प्रहरीले आफ्नो निगरानी बढाउन थालेको छ । चाडपर्वमा ...

बेन्च–बार द्वन्द्व स् सर्वोच्चले माग्दा बारले एमिकस क्युरी नै पठाएन

काठमाडौँः सर्वोच्च अदालतले संवैधानिक इजलासको संरचनाका विषयमा परेको रिटमा एमिकस क्युरी मागेकोमा नेपाल ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • फाेटाे पत्रकारः गुरू ढकाल, वुलेट खतिवडा
  • मार्केटिङ प्रमुखः देवराज पुरी
  •   ९८६२३०११३८, ९८१९०३१०६२
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2021 - pradeshportal.com All rights reserved