इटहरीः प्रदेश १ का मुख्यमन्त्री शेरधन राई आज विवाह बन्धनमा बाँधिएका छन् । राईले आफ्नी प्रेमिका ज्याङ्मु शेर्पासँग किराँती समुदायको परम्परागत प्रचलन अनुसार विवाह गरेका हुन् ।
कोरोना भाइरसको त्रासका बीच काठमाडौँको नक्सालस्थित एक पार्टी प्यालेसमा राईले विवाह सम्पन्न गरेको उनका प्रेस सल्लाहकार ध्रुव सुवेदीले जानकारी दिए । उनका अनुसार वैवाहिक समारोहमा राष्ट्रपति विद्यादेवी भण्डारीका साथै राईनिकट पारिवारिक व्यक्ति तथा राजनैतिक दलका नेताहरुको उपस्थिति रहेको थियो ।
मुख्यमन्त्री राईले संखुवासभा मूल घर भएकी मोडल ज्याङ्मुसँग विवाह गरेका हुन् । हाल मोडलका रुपामा कार्यरत ज्याङ्मु सौन्दर्य प्रतियोगिता मिस मंगोलको सन् २०१८ को संस्करणकी विजेता हुन् । मुख्यमन्त्री राई भोजपुरका स्थायी बासिन्दा हुन् । मुख्यमन्त्री राई र उनकी दुलही ज्याङ्मुबीच २६ वर्ष उमेरको छ । राई ४९ वर्षका छन् भने ज्याङ्मु २३ वर्षकी छन् ।