दशैं बिदामा यी २५ बैंकले दिँदैछन् बैंकिङ सेवा

  • आश्विन १९, २०७६
  • ७२२ पटक पढिएको
  • प्रदेश पोर्टल
alt

इटहरीः दशैंको समयमा बैंकिङ कारोबार नहुँदा असहज महसुस गर्नेको सुविधालाई ध्यान दिँदै विभिन्न बैंकले दशैंको बिदामा पनि आफ्ना शाखा कार्यालयबाट बैंकिङ सेवा दिने भएका छन् । २८ मध्ये २१ वाणिज्य बैंकले यस्तो सेवा दिने सार्वजनिक सूचना जारी गरेका छन् । त्यस्तै ४ ओटा विकास बैंकले पनि दशैंको बिदामा बैंकिङ सेवा दिने भएका छन् ।

यी हुन् दशैं बिदामा पनि सञ्चालन हुने बैंक
सरकारी बैंक कृषि विकास बैंकले दशैं बिदामा ३९ शाखामार्फत् बैंकिङ सेवा दिने जनाएको छ । ती कार्यालय बिहान १० बजेदेखि २ बजेसम्म खुला हुने तथा नगद जम्मा र भुक्तानी मात्र हुने बैंकले जनाएको छ । टीकाको दिन भने कुनै पनि शाखा नखुल्ने बैंकले जनाएको छ ।

त्यस्तै, अर्काे सरकारी बैंक राष्ट्रिय वाणिज्य बैंकका २२ शाखा दशैंमा खुल्ने भएका छन् । उपत्यकाभित्र ६ ओटा र उपत्यका बाहिर १६ ओटा शाखामा टीकाको दिनबाहेक बिहान १० बजेदेखि १ बजेसम्म कार्यालय खुल्ने भएका हुन् । काठमाडौंको बानेश्वर र पोखराको महेन्द्र पुल शाखा भने टीकाको दिन पनि खुल्ने बताइएको छ ।

एनआइसी एशियाका ३९ शाखा ३ घण्टा सञ्चालन हुने
शाखा बिस्तारमा आक्रामक देखिएको एनआइसी एशिया बैंकले दशैं बिदामा काठमाडौंभित्रका १० र बाहिरका २९ ओटा शाखामार्फत् हरेक दिन ३ घण्टा सेवा दिने भएको छ ।

उता, जनता बैंकले दशैं बिदामा ९ ओटा शाखा कार्यालय खोली वित्तीय सेवा प्रदान गर्ने भएको छ । बैंकले असोज १८ र १९ गते बिहान १० बजेदेखि १ बजेसम्म ती शाखा खोल्ने जनाएको हो ।

त्यस्तै, सिद्धार्थ बैंकले दशैं बिदामा काठमाण्डौ उपत्यका भित्र ४ र उपत्यका बाहिर १५ गरी १९ शाखा बिहान ११ बजेदेखि २ बजेसम्म सञ्चालन हुने जनाएको छ ।

त्यस्तै, प्रभु बैंकले २४ शाखाबाट सेवा दिने जनाएको छ । दशैं बिदामा सो बैंकको काठमाडौं उपत्यकाभित्रका ९ उपत्यकाबाहिरका १५ ओटा शाखा खुला हुने भएका छन् । ती शाखाबाट निक्षेप जम्मा, १ लाख रुपैयाँसम्मको चेक भुक्तानी र ५० हजार रुपैयाँसम्मको रेमिट्यान्स सुविधा उपलब्ध हुने बैंकले जनाएको छ । बिहान १० बजेदेखि २ बजेसम्म प्रदेश नम्बर ६ बाहेक सबै प्रदेशमा सेवा दिइने जनाएको छ । टीकाको दिन भने कुनै पनि शाखा नखुल्ने बैंकले जनाएको छ ।

नेपाल बंगलादेश बैंकले असोज १८, १९, २० र २२ गते ७ ओटा शाखा खुला गर्ने जनाएको छ । हरेक दिन बिहान १० बजेदेखि २ घण्टाका लागि ती कार्यालय खुल्ने बताइएको छ ।

ग्लोबल आइएमई बैंकले दशैंको बिदामा उपत्यका भित्रका ४ शाखा र उपत्यका बाहिरका ६ शाखामार्फत् बैंकिङ सेवा दिने भएको छ । टीकाको दिन पनि कान्तिपथ शाखा दिउँसो १ बजेदेखि बेलुका ४ बजेसम्म खुल्ने र अरु शाखा बिहान १० बजेदेखि १ बजेसम्म खुल्ने बताइएको छ ।

मेगा बैंकले टीकाको दिनमा कमलादी शाखा मार्फत् बिहान ११ बजेदेखि दिउँसो २ बजेसम्म सेवा प्रदान गर्ने जनाएको छ ।
बैंकले फूलपातीको दिन १५ शाखामार्फत्, सेवा दिएको जनाएको छ । महाअष्टमी, महानवमी र एकादशीको दिनमा १० शाखा कार्यालय खुल्ने जनाइएको छ ।


उता, सनराइज बैंकले दशैं बिदामा काठमाडौं उपत्यकामा ४ शाखा र उपत्यकाबाहिर १० शाखामार्फत् सेवा प्रदान गर्ने जनाएको छ । सबै कार्यालय बिहान १० बजेदेखि २ घण्टा खुल्ने र टीकाको दिन भने कुनै पनि शाखा नखुल्ने जनाएको छ ।

एनएमबी बैंकले दशैं बिदामा पनि खुल्ने ५ शाखामार्फत् २ लाख रुपैयाँसम्म नगद जम्मा र चेक सटही सुविधा उपलब्ध हुने जनाएको छ । सो बैंकले पनि टीकाको दिन भने बैंकिङ सुविधा नदिने भएको छ ।

सिटिजन्स बैंकले उपत्यकाका ६ शाखा र उपत्यका बाहिरका ५ शाखामार्फत् दशैंको बिदामा पनि सेवा दिने जनाएको छ । टीकाको दिन समेत बिहान ११ बजेदेखि २ बजेसम्म उपत्यकाको दरबारमार्ग र कुमारीपाटी शाखा खोल्ने बैंकले जनाएको छ ।

उता, स्ट्याण्डर्ड चाटर्डले १२ ओटा शाखा दशैं बिदामा पनि खोल्ने भएको छ । कुनै शाखा बिहान साढे ९ बजेदेखि र केही बिहान ११ बजेदेखि खुल्ने बैंकले जनाएको छ । यी शाखामार्फत् ५ लाख रुपैयाँसम्मको भुक्तानी, नगद जम्मा र विदेशी विनिमय सेवा पाउने बताएको बैंकले टीकाको दिन भने कुनै पनि शाखा नखोल्ने भएको छ ।

माछापुच्छ्रे« बैंकले उपत्यकाभित्र र बाहिर गरी २४ शाखा सञ्चालनमा ल्याउने तर टीकाको दिन भने कुनै पनि शाखा नखुल्ने जनाएको छ ।

त्यस्तै, हिमालयन बैंकले दशैं बिदामा ६ शाखा मार्फत् सेवा दिने भएको छ । फूलपातीको दिन दिन ६ शाखामार्फत् सेवा दिएको बैंकले महाअष्टमीको दिन ४ शाखा, र एकादशीको दिन ३ शाखा खोल्ने जनाएको छ ।

नबिल बैंकले उपत्यकाभित्र ६ शाखा र उपत्यका बाहिर १० शाखा खोल्ने भएको छ । बिहान १० बजेदेखि १२ बजेसम्म खुल्ने ती शाखामा नगद जम्मा गर्ने र भुक्तानी सेवा, नबिल रेमिट र वेस्टर्न युनियन मनि ट्रान्फरबाट विप्रेषण सेवा, तथा विदेशी मुद्रा सटही र युएस डलर प्रिपेड कार्ड जारी गर्ने सेवा प्रदान गर्ने जनाएको छ ।

बैंक अफ काठमाण्डूले टीकाको दिन पनि शाखा खोल्ने भएको छ । टीकाको दिन कमलादी शाखा खोल्ने जनाएको बैंकले अरु दिन १० शाखामार्फत् सेवा दिने जनाएको छ । यी कार्यालयबाट बचत खातामा ५० हजार र चल्ती खातामा २ लाख भुक्तानी सेवा, जतिसुकै रकम नगद जम्मा गर्नसक्ने सेवा प्रदान गरिने जनाएको छ ।

कुमारी बैंकले दशैं बिदामा टीकाको दिन बहोक अरु दिन दशैं बिदामा बिहान ११ बजेदेखि २ बजेसम्म ५ शाखामार्फत् सेवा दिने जनाएको छ ।

नेपाल इन्भेष्टमेन्ट बैंकले उपत्यकाभित्रका १५ शाखा र उपत्यकाबाहिरका १० शाखा गरी २५ शाखा कार्यालय दशैं बिदामा सञ्चालन गर्ने जनाएको छ । उपत्यकाको दरबारमार्ग शाखा भने टीकाको दिन पनि बिहान ९ बजेदेखि १२ बजेसम्म र पुल्चोक शाखा १२ बजेदेखि ३ बजेसम्म खोलिने जनाएको छ ।

सबैभन्दा थोरै एनसीसी बैंकले २ शाखा खोल्ने
उता, दशैं बिदामा कम शाखा खोल्नेमा एनसीसी बैंक रहेको छ । सो बैंकले दशैं बिदामा न्युरोड र टेकु शाखा सञ्चालन गर्ने र टीकाको दिन भने सबै शाखा बन्द हुने जनाएको छ ।

सिभिल बैंकले दशैं बिदामा १३ ओटा शाखा खोलिने मुख्य शाखा कार्यालय आवश्यकता अनुसार टीकाको दिन पनि खोलिने जनाएको छ ।

यी विकास बैंले पनि दशैंमा ग्राहकलाई सुविधा दिने
क वर्गका बैंकजस्तै ख वर्गका पनि ४ ओटा बैंकले ग्राहकलाई दशैं बिदामा पनि वित्तीय सेवा दिने भएका छन् । लुम्बिनी विकास बैंक, कामना सेवा विकास बैंक, कैलाश विकास बैंक र सांग्रिला डेभलपमेन्ट बैंकले दशैं बिदामा पनि यस्तो सुविधा दिने भएका हुन् ।

लुम्बिनी विकास बैंकले दशैं बिदामा ५ ओटा शाखा बिहान १० बजेदेखि १२ बजेसम्म खोल्ने जनाएको छ ।

कामना सेवा विकास बैंकले दशैं बिदामा २२ ओटा शाखा कार्यालय खोली वित्तीय सेवा दिने भएको छ । ती शाखा बिहान ११ बजेदेखि दिउँसो २ बजेसम्म सञ्चालन हुने सो बैंकले जनाएको छ ।

कैलाश विकास बैंकले सातै प्रदेशका १० ओटा शाखा कार्यालय खोल्ने भएको छ । बिहान ११ बजेदेखि दिउँसो २ बजेसम्म ती कार्यालय खुल्ने बताइएको छ ।

सांग्रिला डेभलपमेन्ट बैंकले दशैं बिदामा १३ ओटा शाखा कार्यालय खोल्ने जनाएको छ । बैंकका ८ ओटा शाखा कार्यालय ३ दिन र बाँकी ५ ओटा शाखा एक दिन मात्र खुला हुने जनाएको छ । सबै विकास बैंकले टीकाको दिन भने कार्यालय नखोल्ने भएका छन् ।

dasain ma khulne bank  (5) dasain ma khulne bank  (2) dasain ma khulne bank  (4)

dasain ma khulne bank  (1) dasain ma khulne bank  (1) dasain ma khulne bank  (3)

प्रतिक्रिया दिनुहोस

प्रतिबन्धित नेकपाका कम्पनी कमिसारसहित दुई जना मिक्लाजुङबाट पक्राउ

इटहरीः मोरङको मिक्लाजुङ गाउँपालिका १घुर्मिसेबाट हिजो बुधबार नेत्रविक्रम चन्द (विप्लव) नेतृत्वको प्रत ...

असारको अन्त्यसम्म देशका सबै गरिबले परिचयपत्र पाउने

इटहरीः सरकारले आगामी वर्षको असार मसान्त सम्ममा देशभरका गरिब परिवारको पहिचान गरी परिचयपत्र प्रदान गर् ...

मृत्युदण्डको बहसःआवश्यकता कि बाध्यता ?

काठमाडौँः बलात्कारका घटना बढ्दै जाँदा पछिल्लो समय पीडकलाई मृत्युदण्ड दिने, नपुंसक बनाउने लगायतमा बहस ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved