बेलबारीः बेलबारी नगपालिका वडा नम्बर १ ले मेयर कप फुटबलका विजेता खेलाडीहरूलाई सम्मान गरेको छ ।

बेलबारी नगरपालिकामा एक कार्यक्रमको आयोजना गरी ३० जना खेलाडीहरूलाई वडाले सम्मान गरेको हो । खेलाडीहरूलाई मेयर ज्ञानेन्द्र सुवेदीले प्रमाणपत्र र स्पोर्टस सुज दिएर सम्मान गरेका हुन् । १५ जना खेलाडीलाई स्पोर्टस् जुत्तासहित र वैकल्पिक खेलाडीलाई प्रमाणपत्र दिएर सम्मान गरेको वडा नम्बर १ का अध्यक्ष चक्र खुलालले बताए ।

यसैगरी, उत्कृष्ट युवा खेलाडी जनम राई तथा खेलका कोच सजि धिमाललाई नगद ५ हजारसहित प्रमाणपत्रले सम्मान गरिएको वडा कार्यालयले जनाएको छ । प्रतियोगिता असार ९ गतेदेखि १९ गतेसम्म एम्रियो युवा क्लबले आयोजना गरेको थियो ।