गिरिजाप्रसाद कोइराला फाउन्डेसनको आयोजनामा फुटबल, सांकृतिक कार्यक्रम र स्वास्थ्य शिविर बिहीबारदेखि इटहरीमा

  • चैत्र १०, २०७७
  • २२६ पटक पढिएको
  • शंकर खत्री
alt

इटहरीः अगामी चैत १२ गते अर्थात् आउँदो बिहीबारदेखि सुनसरीको इटहरीमा १ नम्बर प्रदेशका नगरस्तरीय फुटबल प्रतियोगित, साँस्कृतिक कार्यक्रम र स्वास्थ्य शिविर हुने भएको छ ।

गिरिजाप्रसाद कोइराला फाउन्डेसन, युवा तथा खेलकुद विभाग प्रदेश १ को आयोजना र जिल्ला फुटबल संघ सुनसरीको प्राविधिक सहयोगमा कार्यक्रम हुन लागेको मंगलबार पत्रकार सम्मेलन गरी जनाइएको छ । कार्यक्रम संयोजक एवम् फाउन्डेसनका युवा तथा खेलकुद विभाग प्रदेश १ का संयोजक सूर्य राईले फुटबल प्रतियोगितामा प्रदेश १ का विभिन्न जिल्लाका आठ वटा टिम सहभागि हुने जानकारी दिएका छन् । उनका अनुुसार आठ टिम समिलित प्रदेशस्तरीय खेलको उद्घाटन खेल बिहीबार दिउँसो ४ बजेबाट सुरु हुनेछ । सुनसरीका इटहरी उपमहानगरपालिका, धरान उपमहानगरपालिका र इनरुवा नगरपालिकाले प्रतियोगितामा सहभागिता जनाउने संयोजक राईले जानकारी दिए ।

यस्तै, झापाको दमक नगरपालिका, मोरङको विराटनगर महानगरपालिका र उर्लाबारी नगरपालिका, भोजपुरको चौदण्डगढी नगरपालिका र धनकुटाको धनकुटा नगरपालिकाले फुटबल खेलमा सहभागिता जनाउने भएका छन् । उद्घाटन खेलमा बिहीबार दिउँसो ४ बजे सुनसरीको इटहरी उपमहानगर र झापाको दमक नगरपालिकाले प्रतिस्पर्धा गर्नेछन् । उद्घाटन सत्रमा नेपाली कांग्रेसका महामन्त्री शशांक कोइराला, फाउन्डेसनकी केन्द्रीय अध्यक्ष सुजाता कोइराला, केन्द्रीय सदस्यहरु डा.शेखर कोइराला र प्रदीप पौडेलको विशेष उपस्थिति रहने आयोजकले पत्रकार सम्मेलनमार्फत् जानकारी दिएको छ । पत्रकार सम्मेलनमा बोल्दै सुनसरी फुटबल संघका कोषाध्यक्ष कोबितजंग कार्कीले प्रतियोगिता सम्पन्न गर्न सक्दो सहयोग गर्ने तथा आगामी दिनमा पनि फुटबल प्रतियोगिता जसले आयोजना गरेपनि साथ, सहयोग र प्रोत्साहन गर्ने प्रतिबद्धता जनाए ।

नगरपालिकाले खेलकुद क्षेत्रमा लगानी गर्ने वातावरण मिलाउन उक्त प्रतियोगिताले महत्त्वपूर्ण भूमिका निर्वाह गर्ने उनले बताए । कार्कीले फुटबल विकासको लागि जुन क्लबले प्रतियोगिता आयोजना गरेपनि सबै क्षेत्रबाट प्रोत्साहन गर्न आवश्यक रहेको बताए । कोभिडका कारण विश्वभर खेलकुद धरासयी भएको अवस्थामा प्रतियोगिताको आयोजना गरेकोमा कार्कीले आयोजकप्रति आभार व्यक्त गरे । कार्यक्रमको कुल लागत २५ लाख लाग्ने अनुमान आयोजकको रहेको छ । खेलमा विजेता र उपविजेताले क्रमश दुई लाख र एक लाख नगद पुरस्कार प्राप्त गर्ने कार्यक्रम संयोजक राईले जानकारी दिए । फाइनल खेल भने चैत २१ गते हुनेछ । फुटबलसँगै विभागले साँस्कृतिक कार्यक्रम र निःशुल्क स्वास्थ्य शिविर पनि सञ्चालन गर्ने भएको छ । बी.पी. कोइराला स्वास्थ्य विज्ञान प्रतिष्ठान धरानका स्वास्थ्य टोलीको उपस्थितिमा खेलाडी तथा दर्शकहरुको निःशुल्क स्वास्थ्य परीक्षण गरिने आयोजकले जानकारी दिएको छ । प्रतियोगिताको उद्घाटन कार्यक्रममा गायिका मेलीना राई, बाल गायक प्रीतम आचार्य लगायतको प्रस्तुति रहनेछ । कार्यक्रमको तयारी तिव्र रुपमा अगाडि बढाइएको आयोजकले बताएको छ । साथै कार्यक्रमा प्रवेश शुल्क पनि नलाग्ने आयोजकले जानकारी दिएको छ ।

 

प्रतिक्रिया दिनुहोस

इटहरीमा ७४ सहितप्रदेश १ मा ४२७ संक्रमित थपिए, ७१३ संक्रमणमुक्त

इटहरीः प्रदेश १ मा आज ७१३ जना कोरोना संक्रमणमुक्त भएका छन् । संक्रमणमुक्त हुनेमा ३४६ महिला र ३६७ पुर ...

सुनसरीमा निषेधाज्ञा खुकुलोः व्यवसायीलाई राहत, सुरक्षाकर्मीलाई चुनौति

इटहरीः सुनसरी जिल्ला प्रशासन कार्यालयमा असार ६ गते बसेको जिल्ला कोभिड संकट व्यवस्थापन केन्द्रको बैठक ...

‘जति धेरै गसिप, उति नै टीआरपी’

मुम्बईः बलिउडका चर्चित गायक कुमार सानुले विवादित बनेको ‘इन्डियन आइडल १२’ बारे मुख खोलेका ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • फाेटाे पत्रकारः गुरू ढकाल, वुलेट खतिवडा
  • मार्केटिङ प्रमुखः देवराज पुरी
  •   ९८६२३०११३८, ९८१९०३१०६२
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2021 - pradeshportal.com All rights reserved