धरानः धरानमा जारी दोस्रो मेयर स्कुल ओलम्पिक अन्तर्गत भलिबल तर्फको पदक शनिबार वितरण गरिएको छ । नगर खेलकुद विकास समितिले शनिबार विजेता टिमलाई पदक वितरण गरेको हो । सो ओलम्पिकको भलिबल खेलमा समिट माविले स्वर्ण पदक हात पारेको छ ।
समिटले छात्र तथा छात्रा दुवै तर्फको भलिबल प्रतियागिताको उपाधि जितेसँगै दुई वटा स्वर्ण जितेको छ ।
शनिबार भएको प्रतियोगितामा छात्रातर्फ समिटलले युनाइटेड गोर्खालाई पछाडि पार्दै उपाधि हात पारेको हो । धरान–१५ स्थित युनाइटेड गोर्खा एकाडेमीको कोर्टमा भएको फाइनल खेलमा समिटले युनाइटेडका विरुद्ध २३–२५, २५–१४, २५–२०, २३–२५ र १५–५ अङ्कसहित विजयी भएकोे हो । छात्रातर्फ भने समिटले युरका माविलाई पछि पार्दै उपाधि हात पारेको हो । प्रतियोगितामा समिटले युरेकालाई २५–८, २५–२२ र २५–८ को सोझो सेटमा जीत निकालेको थियो ।
शनिबार नै भएको तेस्रो स्थानको खेलमा छात्रतर्फ नेपाल पुलिस स्कुल र छात्रातर्फ डिपोट माविले तेस्रो स्थान हात पारेका छन् । पुलिसले किरातेश्वर माविलाई २५–१४ र २५–१५ तथा डिपोटले कार्मेल हाइस्कुललाई २५–१७ र २५–५ को सोझो सेटमा जीत हात पार्दै पारेका थिए ।
_1720278409.jpg)
