काठमाडौँः नेपाल साफ महिला च्याम्पियनसिपको फाइनलमा प्रवेश गरेको छ ।
पाँच पटकको च्याम्पियन भारतलाई १–० गोलले पराजित गर्दै नेपाल पाँचौँ पटक फाइनलमा पुगेको हो । यसअघि चार पटक फाइनलमा पुगेपनि नेपालले उपाधि भने जित्न सकेको छैन । नेपालका लागि पहिलो हाफको अन्तिम मिनेटमा रश्मिकुमारी घिसिङले गोल गरिन् । प्रिति राईले दिएको क्रसमा रश्मिले डिबक्स भित्रबाट गोल गरेकी थिइन् ।
अब उपाधिका नेपालले सोमबार बंगलादेशसँग प्रतिस्पर्धा गर्नेछ । यसअघि शुक्रबार नै भएको पहिलो सेमिफाइनलमा बंगलादेशले भुटानमाथि ८–० गोलको जित निकालेको थियो । नेपाल यसअघि २०१६ बाहेक सबै साफको फाइनलमा पुगेको थियो । सन् २०१६ को साफमा नेपाल सेमिफाइनलमा भारतसँग पराजित भएको थियो ।
_1720278409.jpg)
