इटहरीः प्रदेश १ स्तरीय उसु प्रतियोगिता बुधबारबाट इटहरी रंगशालाको कभर्डहलमा शुरु भएको छ ।
प्रदेश खेलकुद विकास बोर्डका सदस्य रितेश श्रेष्ठले प्रदेश १ स्तरीय छनौट प्रतियोगिताको उद्घाटन गरेका छन् ।
आगामी २८ गतेदेखि कार्तिक ३ गतेसम्म गण्डकी प्रदेशमा आयोजना हुने नवौँ राष्ट्रिय खेलकुद प्रतियोगिताको लागि प्रदेश १ को टिम छनौट गर्न प्रतियोगिताको आयोजना गरीएको हो ।
उसुमा प्रदेशका १४ वटै जिल्लाका बिभिन्न तौल समुहका खेलाडीहरुको सहभागिता रहने र प्रतियोगिता तीन दिन सम्म चल्ने उसुका प्रतियोगिता संयोजक तथा प्रदेश खेलकुद विकास बोर्ड प्रदेश नम्बर एकका सदस्य रितेश श्रेष्ठले बताए ।
_1720278409.jpg)
