इटहरीः हरेक ४ बर्षमा आयोजना हुने विश्वकप फुटवल प्रतियोगिता भोली आइतबारबाट कतारमा शुरु हुने भएको छ । 

विश्व फुटवलको कुम्भमेलाको रुपमा लिइने विश्वकप फुटवल प्रतियोगिताको भव्य उद्घाटन कार्यक्रम कतारको अल बायत रंगशालामा हुने छ भने उक्त रंगशालाको क्षमता ६० हजार दर्शक क्षमता रहेको बताइएको छ । 

भव्य उद्घाटन पश्चात विश्वकप फुटवलको उद्घाटन खेल आयोजक राष्ट्र कतार र इक्वेडर बिच हुने भएको छ । खेल नेपाली समय अनुसार रातको ९.४५ बजे शुरु हुने छ । 

यस पटकको विश्वकप फुटवलमा विश्वका ३२ वटा राष्ट्रले प्रतिस्पर्धा गर्दैछन् । फिफाले ३२ देशलाई विभिन्न ८ समुहमा बिभाजन गरेर खेल तालिका सार्वजनिक गरेको छ ।