इटहरीः कतारमा जारी फिपा विश्वकप फुटवलको बिहिबार भएको खेलमा ब्राजिलले सर्विया माथि २ गोल गर्दै विजय शुरुवात गरेको छ ।
पाँच पटकको च्याम्पियन ब्राजिलका लागि बिहिबार कतारको लुसाइल स्टेडियममा भएको खेलमा सर्बियालाई २–० गोल अन्तरले हराउँदै ब्राजिलले सुखद सुरुआत गरेको हो ।
गोल रहित बराबरी भएको पहिलो हाफ पछि दोस्रो हाफमा ब्राजिलका लागि खेलाडी रिचार्लिसनले २ गोल गर्न सफल भए ।
खेलको ६२ औं मिनेटमा रिचार्लिसनले गोल गर्दै ब्राजिललाई सुरुआती अग्रता दिलाएका थिए ।
त्यसपछि खेलको ७३ औं मिनेटमा रिचार्लिसनले व्यक्तिगत दोस्रो गोल गर्दै ब्राजिललाई २–० को जित दिलाए ।
जितसँगै समूह ‘जी’ को ब्राजिलले पहिलो खेलमै ३ अंक जोडेको छ । ३२ राष्ट्रको सहभागितामा कतारमा भइरहेको विश्वकप डिसेम्बर १८ तारिख सम्म चल्नेछ ।
_1720278409.jpg)
