सङ्खुवासभा: तेस्रोे पांमा कपको दोस्रो दिन भएको खेलमा ५ वटा टिम दोस्रो चरणमा प्रवेश गरेका छन् । पाँचखपन युवा क्लब, बरुण गुम्बा, लोहोरुङ क्लब ए, सङ्खुवासभा युनाइटेड क्लब र पांमा सामुदायिक सेवा क्लब बी प्रतियोगिताको दोस्रो चरण प्रवेश गरेका छन् ।
आज भएको पहिलो खेलमा पाँचखपन युथ क्लबले गर्दै जीत हासिल गरेको छ । आजै भएको दोस्रो खेलमा बरुण चिसो पानी गुम्बाले सित्तलपाटी युवा क्लबलाई २ गोल गर्दै जीत हासिल गरेको छ ।
तेस्रो खेलमा सह–आयोजक लोहोरुङ क्लब ए ले खाँदबारी जुनियर क्लबलाई ६ गोल गर्दै जीत हासिल गरेको छ । चौथो खेलमा सङ्खुवासभा युनाइटेड क्लबले चिचिला गाउँपालिकालाई ३ गोल गर्दै जीत हासिल गरेका छ । त्यस्तै, पांमा सामुदायिक सेवा क्लब बीले खाँदबारी युथ क्लबलाई २ गोल गर्दै जीत हासिल गरेको छ ।
पहिलो चरणको बाँकी खेल भोलि बिहान ७ बजे शुरु हुने बताइएको छ । भोलिको पहिलो खेल लोहरुङ क्लब बी र तुम्लिङटार स्पोर्टिङ क्लबबीच हुने छ । दोस्रो खेल एड्भान्स क्लब मानेभन्ञ्याङ र तीनपोखरी युवा क्लबबीच हुने खेल संयोजक नरजीत राईले बताए ।
प्रतियोगितामा सङ्खुवासभाका उत्कृष्ट १६ क्लबले सहभागिता जनाएका छन् । पांमा सामुदायिक सेवा केन्द्रको आयोजनामा भगिवन्त रङ्गशाला प्रतियोगिता भइरहेको छ ।
_1720278409.jpg)
