इटहरीः पोखरामा भइरहेको २२ औं आहा–रारा पोखरा गोल्डकपमा एघार बर्ष पछि आयोजक सहारा फुटवल क्लवलाई हराउँदै धरान फुटबल क्लबले विजयी सुरुवात गरेको छ ।
पोखरा रंगशालामा बिहिबार भएको खेलमा धरानले आयोजक सहारा क्लबलाई १–० ले हराएको हो ।
धरानलाई जिताउन प्रकाश बुढाथोकीले खेलको चौंथो मिनेटमै गरेको गोल नै निर्णायक भएको थियो ।
आहारारा गोल्डकपमा आयोजक सहारा र धरान फुटबल क्लब बिहीबारको भिडन्तसँगै तेस्रो पटक मैदानमा आमनेसामने भएका हुन् । २०६८ सालमा प्रतिस्पर्धा गरेका यी दुई टोलीको एघार बर्ष पछि बिहिबार प्रतिस्पर्धा भएको थियो । यसअघिका २ खेलमा धरान आयोजक सहारासँग पराजित भएको थियो ।
दशौं आहा रारा गोल्डकपको उक्त खेलमा सहाराले १–० ले धरानलाई पराजित गरेको थियो । त्यसको अघिल्लो नवौं संस्करणको पहिलो खेलमा पनि आयोजक सहाराले धरानलाई २–१ ले पराजित गरेको थियो ।
त्यसको बदला लिँदै धरानले बिहीबार भएको आहा रारा पोखरा गोल्डकपको २२ औं संस्करणको उद्घाटन खेलमा आयोजकलाई हराउँदै अर्को चरणमा प्रवेश गरेको छ ।
_1720278409.jpg)
