काठमाडौंः नेकपा एकीकृत समाजवादी निकट युवा संघ नेपालको केन्द्रिय नेतृत्वको टोलीले एमालेका पुर्व र वर्तमान नेताहरूलाई दैनिक जसो भेट गरिरहेका छन् ।
प्रतिनिधिसभा तथा प्रदेशसभा निर्वाचनमा टिकट नपाएपछि नेकपा एमाले पार्टी त्याग गरेका नेता घनश्याम भुसाल र बामदेब गौतमलाई भेट गरेका थिए । आज एमाले अध्यक्ष केपी ओलीसँग रुष्ट रहेका नेता भिम रावलसँग युवा नेताहरुको टोलीले भेट गरेका छन् ।
युवा संघ नेपालका अध्यक्ष तथा प्रदेश सांसद नरेश शाही, नेकपा समाजवादीका केन्द्रीय सदस्य हस्त शाही लगायत संघका पदाधिकारीहरूले भेट गरी समग्र कम्युनिष्ट आन्दोलन, समसामयिक राजनीति अवस्था साथै विविध अवस्थाबारे छलफल गरेको संघका महासचिव दीपक जिएमले बताए ।
विभिन्न पार्टीका नेता कार्यकर्तासँगको भेटघाटमा व्यस्त रहेका भुसाल, मौन रहेका गौतम र रुष्ट रहेका रावललाई पार्टीमा ल्याउन प्रयत्न गरिएको उपस्थित एक नेताले खुलासा गरेका छन् ।
_1720278409.jpg)
