इटहरीः रामधुनी नगरपालिकाको आयोजना तथा रामधुनी युवा क्लवको संयोजनमा रामधुनीको झुम्कामा भइरहेको वडा स्तरीय नकआउट फुटवल प्रतियोगिताको मंगलबारको खेलमा वडा नम्बर ३ ले जित हासिल गरेको छ ।
वडा नम्बर ३ र वडा नम्बर ७ बिच भएको दोस्रो खेलमा वडा नम्बर ३ ले पेनाल्टि सुट आउटमा जित निकालेको हो । सोमबार देखि पिप्राहा खेल मैदानमा भइरहेको खेलमा सोमबार वडा नम्बर ४ ले वडा नम्बर १ माथि जित हासिल गरेको थियो ।
बुधबारको खेल वडा नम्बर ६ र वडा नम्बर ९ बिच हुने भएको छ । खेल दिउँसो ३ बजे सुरु हुने रामधुनी युवा क्लवका कोषाध्यक्ष लेखनाथ खतिवडाले जानकारी दिए । ९ वटा वडा भएको रामधुनीमा वडा नम्बर ८ ले भने बजेट अभावको कारण देखाउँदै खेलमा सहभागिता जनाएको छैन ।
