काठमाडौंः  वैदेशिक रोजगारीका लागि  बेलारुस पुगेका ९ जना नेपाली महिलालाई अलपत्र पारेको घटना प्रति  नेकपा एकीकृत समाजवादीले आफ्नो पार्टीको ध्यानाकर्षण भएको जनाएको छ ।

विहीबार नेकपा एकीकृत समाजवादीको तर्फबाट पार्टीका उपमहासचिव तथा कार्यालय सचिव डा. गंगालाल तुलाधरले एक विज्ञप्ति सार्वजनिक गर्दै उनिहरुलाई यथाशीघ्र उद्धार गर्न  सरकारसँग माग गरेको छ ।

विज्ञप्तिमा भनिएको छ, ‘बेलारुसमा ९ जना नेपाली महिलाहरू लामो समयदेखि अलपत्र पारिएको समाचार प्रति हाम्रो पार्टीको गम्भीर ध्यानाकर्षण भएको छ । हाम्रो पार्टी यो गम्भिर तथा संवदेनशील परिस्थितिलाई मध्यनजर गर्दै अलपत्र परेका नेपालीहरुलाई तत्काल उद्धार गरी स्वदेश फर्काउन नेपाल सरकारसँग माग गर्दछ ।’

051454168333518213_703137751542308_2099277065416132483_n

साथै, उनीहरुलाई प्रलोभनमा पारी वैदेशिक रोजगारीमा पठाउने व्यक्तिलाई कानुनी दायरमा ल्याएर कारबाही गर्नसमेत एकीकृत समाजवादीले माग गरेको छ ।

 अलपत्र पारिएका नेपाली महिलाहरुमा सानुमाया तामाङ(नुवाकोट), कविता थापा मगर(रामेछाप, अञ्जना मगर(रामेछाप), रत्नमाया राई(धनकुटा), पार्वतीमाया तितुङ( मकवानपुर) रहेका छन् । यस्तै, रमिता राई( भोजपुर), सुष्मा तामाङ( काभ्रेपाल्चोक), मीना गुरुङ( चितवन) र मार्था सोताङ राई( मोरङका) रहेका छन् ।

335923535_542417387762010_5014261536177876570_n