काठमाडौंः अभियान्ता गोविन्द केसीले, शीर्ष नेताहरुले अहिले पनि दोषिलाई जोगाउने षड्यन्त्र गरिरहेको आशंका गरेका छन् ।
काठमाडौंको नारायणचौरमा आयोजित भ्रष्टाचार विरुद्धको प्रदर्शनमा सहभागी नागरिक अगुवा तथा चिकित्सक डा. केसीले नक्कली भुटानी शरणार्थी प्रकरणमा शीर्ष नेताहरुले दोषिलाई जोगाउन सक्ने आशंका गरे । संचारकर्मीसंग कुरागर्दै उनले भने ‘प्रत्येक नेताहरुलाई मैले चिनेको छु । कति पानीमा छन भन्ने मैले देखेको छु ।’
नक्कली भुटानी शरणार्थी प्रकरणमा पक्राउ पुर्जी जारी भइसकेका नेताहरु फरार हुनुले उनीहरु दोषी रहेको आशंकामा बल मिलेको केसीको भनाइ छ । ‘निर्दोष हो भने प्रहरीमा उजुरी आउँथ्यो, उनीहरु भाग्न खोज्नु र भाग्नु भनेका स्वतः प्रष्ट हुन्छ’ उनले भने ।
शीर्ष नेता भ्रष्ट नभइकन ऊ भन्दा तलको नेता भ्रष्ट हुन गाह्रो हुने बताएका उनले यो प्रकरणमा पनि उनीहरुले जनतालाई धोका दिनसक्ने आशंका गरे । उनले भने ‘सधै धोका दिइरहेका छन् । अहिले धोका दिदैनन भन्ने छैन नि । यी भ्रष्ट नेताहरु चाहे ओली भनौं । चाहे प्रचण्ड भनौं । चाहे देउवाहरु भनौं । अहिले के हुदैँछ भने दोषिहरुलाई जोगाउने प्रयास गर्दैछन् ।’
_1720278409.jpg)
