इटहरीः कोशी प्रदेशकै उत्कृष्ठ पर्यटकीय स्थलहरु मध्ये एक तालतलैयामा वन तथा वातावरण संरक्षण अभियान्ता समाजसेवी गंगाबहादुर राय अध्यक्ष पदमा निर्वाचित भएका छन् ।
बिहिबार सम्पन्न ११ औं अधिवेशनले रायलाई तालतलैया विकास तथा संरक्षण समिति, इटहरीको अध्यक्ष पदमा निर्वाचित गरेको हो । वन, वातावरण र पर्यटनलाई नजिकबाट बुझेका रायको नेतृत्वले तालतलैया क्षेत्रको संरक्षण, विकास, तथा समृद्धिमा नयाँ उचाइ हासिल हुने अपेक्षा गरिएको छ ।
समितिको उपाध्यक्षमा धनमाया श्रेष्ठ ,महासचिवमा बुद्धिनाथ खतिवडा, सचिवमा बिनोद कुमार कार्की र कोषाध्यक्षमा निर बहादुर श्रेष्ठ निर्वाचित भएका छन् ।
त्यसैगरी खुल्ला सदस्य पदमा चन्द्र बहादुर कटुवाल, टंक दाहाल भ्रमण, राजन रेग्मी,राजकुमार सोराली मगर, मेम कुमार आले मगर निर्वाचित भएका छन् । महिला सदस्यमा रेनुका राई (लिम्बु), गिता कुमारी आचार्य, मधुका घिमिरे, लक्ष्मीदेवि पौडेल, अनिल कुमारी राई र अविता राई निर्वाचित भएका छन् ।
लेखा समिती संयोजकमा युगप्रिय निरौला र सदस्यमा कुमार सुन्दास निर्वाचित भएका छन् ।
