विराटनगरः यही माघ १० गतेदेखि १० औँ प्याब्सन स्पोर्टस् मिट–२०७५ हुने भएको छ ।
निजी तथा आवासीय विद्यालय अर्गनाइजेशन (प्याब्सन) मोरङद्वारा हुने प्रतियोगिता बेलबारीको लक्ष्मी खेलमैदान लक्ष्मीमार्गमा हुने बताइएको छ । सो प्रतियोगितामा २ सय ३८ विद्यालयका १ हजार ५ सय विद्यार्थीले भाग लिने जानकारी आयोजकले पत्रकार सम्मेलन गरी जानकारी दिएको छ ।
प्याब्सन मोरङका अध्यक्ष अर्जुन बस्नेतका अनुसार प्रतियोगितामा छात्रछात्राको १ सय मिटरदेखि एक हजार ५ सय मिटरको दौड र रिले दौड हुनेछ । त्यस्तै, हाइजम्प, ट्रिप्पल जम्प, लङ जम्प, ज्याब्लिङ थ्रो र भलिबल खेल समावेश हुने बताइएको छ । स्पोर्टस् मिटमा करिव १२ लाख खर्च हुने आयोजकले बताएको छ ।
_1720278409.jpg)
