इटहरीः उच्च शिक्षालय तथा माध्यमिक विद्यालय सङ्घ हिसान सुनसरीले आयोजना गरेको स्पोर्टस मिट अन्तर्गत क्रिकेट प्रतियोगिताको फाइनलमा विश्व आदर्श कलेज प्रवेश गरेको छ ।
इटहरी स्थित डिभिएम स्कुलको खेल मैदानमा मङ्गलबार बिहान सम्पन्न पहिलो सेमीफाइनल खेलमा विश्व आदर्शले सीबी कलेजलाई १ सय ३० रनको फराकिलो अन्तरले पराजित गरेको हो ।
टस जितेर पहिले ब्याटिङ गरेको विश्व आदर्शले निर्धारित १५ ओभरको खेलमा ३ विकेट गुमाउँदै १ सय ५७ रनको योगफल खडा गरेको थियो । जसमा म्यान अफ द म्याच भुपाल लुइँटेलले नट आउट ७३ रन बनाएर ४ विकेट लिँदा विकल्प आचार्यले २२ रन बनाउनुका साथै २ विकेट लिएका थिए ।
१ सय ५८ रनको विजयी लक्ष्य लिएर जवाफी ब्याटिङ गरेको सीबी कलेजले १२ ओभर खेल्दै २७ रनमा अलआउट भयो ।
बुधबारको सेमीफाइनल खेल धरान आदर्श उच्च मावि र कोशी सेन्ट जेम्स उच्च माविबीच हुने सुनसरी जिल्ला क्रिकेट सङ्घका अध्यक्ष सीपी पौडेलले बताए ।
_1720278409.jpg)
