इटहरीः कोशी सेन्ट जेम्स उच्च माविले उच्च शिक्षालय तथा माध्यमिक विद्यालय सङ्घ हिसान सुनसरीले आयोजना गरेको स्पोर्टस मिट अन्तर्गत छात्रा भलिबल प्रतियोगिताको उपाधी जितेको छ ।

बुधबार २–१ बेस्ट अफ थ्री को आधारमा खेलाइएको खेलमा पहिलो सेट कोशीले जित्दा दोस्रो सेट कस्तुरी उच्च माविले जितेको थियो । अन्तिम तथा निर्णायक सेटमा कोशीले उपाधी हात पारेको हो ।

प्रतियोगितामा उत्कृष्ट खेलाडी कोशी सेन्ट जेम्सकी अनिसा राई, बेष्ट लिफ्टर कोशीकै दीपा बिष्ट, बेस्ट सर्भर कस्तुरी उच्च माविकी मनिषा कटुवाल र बेस्ट स्पाइकर कस्तुरीकै सृष्टि बिष्ट घोषित भए ।