धरानः हिसान स्पोर्टस् मिट अन्तर्गत बिहीबार धरानको कलेज अफ म्यानजमेन्टमा भएको हाजिरीजवाफ प्रतियोगितामा इटहरीका शिक्षण संस्था पहिलो, दोस्रो र तेस्रो हुँदा धरानको शिक्षण संस्थाले सान्त्वना स्थान पाएको छ ।
प्रतियोगितामा इटहरीको गोदावरी विद्या मन्दिर पहिलो भएको छ । त्यस्तै, इटहरीको विश्व आदर्श कलेज दोस्रो हुँदा इटहरीकै कोशी सेन्ट जेम्स स्कुल तेस्रो भएका छन् । धरानको विष्णु मेमोरियल स्कुलले सान्त्वना स्थान पाएको छ ।
प्रतियोगितामा १२ टिम सहभागी भएको प्रतियोगिताका संयोजक हेमन्त भण्डारीले बताए । विजेता विद्यार्थीलाई हिसान स्पोर्टस् मिट संयोजक सागर भट्टराई र हिसान जिल्ला सदस्य नेत्रप्रसाद सुवेदीले पुरस्कार वितरण गरेका थिए ।
_1720278409.jpg)
