धरानः हिसान स्पोर्टस मिट अन्तर्गत फुटबल खेलको फाइनलमा विश्व आदर्श कलेज र डिपो स्कुलले प्रतिष्पर्धा गर्ने भएका छन् ।
बिहीबार धरान–१७ स्थित एन्फा एकेडेमीमा भएको सेमीफाइनल खेलमा धरान आदर्श स्कुललाई टाइब्रेकरमा पराजित गर्दै डिपो स्कुल फाइनलमा पुगेको हो । निर्धारित समयको खेल १÷१ गोलको बराबरीमा सकिएपछि खेलको निर्णय टाइब्रेकरबाट लिइएको थियो । टाइब्रेकरमा डिपो स्कुलले ५ गोल गरेको थियो भने धरान आदर्शले ३ गोल गरेको थियो ।
बिहीबार नै भएको अर्काे सेमीफाइनलमा एम्स एकेडेमीलाई टाइब्रेकरमा पराजित गर्दै विश्व आदर्श कलेज फाइनलमा पुगेको हो । फाइनल खेल शुक्रबार बिहान ८ बजे धरान–१७ स्थित एन्फा एकेडेमीको खेल मैदानमा हुनेछ ।
_1720278409.jpg)
