धरान: डाउफिस क्यामरुन धरानमा जारी २१ औं रेडबुल अन्तराष्ट्रिय आमन्त्रण बुढासुब्बा गोल्डकप फुटबल प्रतियोगिताको फाइनमा प्रबेश गरेको छ । क्यामरुनले शनिबार धरान फुटवल क्लब सँग फाइनल खेल खेल्ने छ ।
शुक्रबार भएको सेमिफाइनल खेलमा क्यामरुनले नेपाल पुलिस क्लबलाई पेनाल्टी सुटआउटमा ७–६ ले हराउँदै फाइनल पुगेको हो । निर्धारीत समयमा दुवै टोलीले गोलरहित बराबरी खेलेका थिए ।
पेनाल्टी सुटआउटमा क्यामरुनका सिलो मर्तिन्स,पेटङगा,बिइक बिइक,इलोव्वेम,यन्निक योवोना,प्रिसो र क्यापटेन गो अङगोलाले गोल गरेका थिए ।
त्यस्तै, नेपाल पुलिसका तर्फबाट अजित भण्डारी,देबेन्द्र तामाङ,टिम क्यापटेन भरत शाह,तिर्थ रानामगर ,हरि कठायत र निरकुमार राईले गोल गरेका थिए ।
पुलिसको तर्फबाट विक्रम धिमालले हानेको पेनाल्टी सुटआउन क्यमरुनका गोल किपर प्रिसोले विफल तुल्याएपछि नेपाल पुलिस क्लबले २१ औ बुढासुब्बा गोल्डकपबाट विदा भएको हो । भोली शनिबार क्यमरुन र धरान फुटवल क्लब विच फाइनल खेल हुने छ ।शुक्रबारको खेलको म्यान अफ दी म्याच क्यामरुनका गोल किपर प्रिसो घोषित भए ।
_1720278409.jpg)
