झापाः निर्मल राई स्मृति मेचीनगर स्तरीय अन्तर मावि छात्र भलिबल प्रतियोगिता दोस्रो संस्करणको उपाधि होलीवेल अङ्ग्रेजी मावि धुलाबारीले जितेको छ ।
आयोजक अरुणोदय माध्यमिक विद्यालयको खेलमैदानमा सोमबार सम्पन्न प्रतियोगिताको फाइनल खेलमा आफ्नै घरेलु मैदानमा स्पर्धी अरुणोदय अङ्ग्रेजी माध्यमिक विद्यालयलाई २५–२१, २५–२०, २९–२७ र २५–१९ ले पराजित गर्दै होलीवेलले उपाधि जितेको हो ।
जीतसँगै विजेताले नगद १५ हजार रुपैयाँ सहित शिल्ड हात पा¥यो भने उपविजेताले नगद १० हजार रुपैयाँसहित ट्रफीमा चित्त बुझायो ।
शुरुदेखि नै दुवै टिमले निकै प्रतिष्पर्धात्मक खेल प्रदर्शन गरेका थिए । प्रतियोगिताको सर्वाेत्कृष्ट खेलाडी उपविजेता टिमका सञ्जीत सरदार, उत्कृष्ट सटर विजेता टिमका योगेन श्रेष्ठ, उत्कृष्ट डिफेन्स होलीवेलकै प्रभु प्रधान र उत्कृष्ट लिफ्टर होलीवेलका अशंहाङ लिम्बू घोषित भए ।
विजेता तथा उपविजेता टिमसहित विभिन्न विधाका विजयी खेलाडीलाई प्रमुख अतिथि तथा अतिथिहरूले नगद तथा शिल्ड प्रदान गरेका थिए ।
_1720278409.jpg)
