धरानः धरान–१७ मा रहेको होराइजन क्लबले चौथो पुरूष तथा प्रथम महिला होराइजन खुला आमन्त्रण बास्केटबल प्रतियोगिता आयोजना गर्ने भएको छ ।

प्रतियोगितामा सुनसरी, मोरङ, झापा र धनकुटाका गरी १४ पुरुष र ६ महिला खेलाडी समूहको सहभागिता हुने आयोजकले जनाएको छ । क्लबका अध्यक्ष वसन्त राईका अनुसार पुरूषतर्फ होराइजन क्लब धरान, इर्मोटल क्लब धरान, सट्याग्स क्लब, दमक बास्केटबल क्लब र बीपीकेआइएचएस बास्केटबल सहभागी हुनेछन् ।

त्यस्तै, तरहरा बास्केटबल क्लब, यलम्बर बास्केटबल धरान, विराटनगर बास्केटबल एकेडेमी, सिसिटी हात्तीसार, सप्तरङ्गी क्लब धरान, जिल्ला बास्केटबल सङ्घ धनकुटा, होराइजन क्लब बी, सेन्ट जोसेफ स्कुल, अण्डरडग्स क्लब धरानले सहभागिता जनाउनेछन् ।

महिलातर्फ होराइजन क्लब धरान, होराइजन बी, सिसिटी हात्तीसार, एम्स स्पोर्टस् क्लब स्टयाग्स क्लबलगायतले सहभागिता जनाउनेछन् ।

प्रतियोगितामा धरान हङकङ समाजको प्रायोजन र धरान उपमहानगरपालिकाको संयोजन रहने बताइएको छ । पुरुष बिजेता र उपविजेताले क्रमशः ३५ हजार र २० हजार रुपैयाँ, ट्रफी, मेडल र प्रमाणपत्र पाउने आयोजकले जनाएको छ । यस्तै, महिला विजेता र उपविजेताले क्रमशः १५ हजार र १० हजार रुपैयाँ, ट्रफी, मेडल र प्रमाणपत्र पाउने क्लबका अध्यक्ष राईले जानकारी दिए ।

त्यसैगरी खेलको म्यान अफ दि म्याचलाई माया, एमभिपी, रुकी प्लेयर पुरूषलाई १० हजार ५ हजार रुपैयाँ प्रदान गरिने आयोजकले जनाएको छ । प्रतियोगिता चैत २ गतेदेखि चैत ९ गतेसम्म सञ्चालन हुने आयोजकले जनाएको छ ।