विराटनगरः साफ महिला फुटबल प्रतियोगिताको पाँचौं संस्करणको उद्घाटन खेलमा नेपालले भुटानलाई शून्यका विरुद्ध ३ गोलले पराजित गरेको छ ।

खेल शुरु भएको १३ औँ मिनेटमा जर्सी नम्बर १८ की मिड फिल्डर मैनालीकुमारी योञ्जनले गोल गरेर नेपालको लागि खाता खोलेकी थिइन् । त्यसको केही मिनेटपछि फरवार्ड सावित्रा भण्डारीले अर्को गोल गरेकी थिइन् । मध्यान्तरपछिको शुरुमै निज थापाले तेस्रो गोल गरेकी थिइन् । बुधबारको खेल भारत र माल्दिभ्सबीच हुने आयोजकले जनाएको छ ।