बेलबारीः बेलबारी बास्केटबल क्लबद्वारा मोरङको बेलबारी ४ मा निर्मित बास्केटबल कोर्टको उद्घाटन गरिएको छ ।

बेलबारी नगरपालिकाको सहयोगमा निर्मित भवनको मेयर ज्ञानेन्द्र सुवेदीले उट्घाटन गरेका हुन् । ९ लाख रुपैयाँको लागतमा कोर्ट निर्माण भएको बेलबारी बास्केट क्लबका अध्यक्ष सन्दीप राईले बताए ।

खेलाडीलाई प्रोत्साहन गर्नका लागि कोर्टको निर्माणका लागि बजेट छुट्याएको मेयर सुवेदीले बताए । उनले बेलबारी–८ मा अन्तर्राष्ट्रिय स्तरको कभर्ड हलसमेत निर्माण भइरहेको बताए ।

बास्केटबल कोर्टको निर्माणपछि खेलाडीलाई प्रशिक्षण दिन तथा खेलकुदका कार्यक्रम गर्न सकिने बास्केटबल क्लबका उपाध्यक्ष मनिष सुवेदीले बताए ।