दुहवीः सुनसरीको दुहवीमा जारि तेस्रो मनमोहन दुहबी गोल्डकप फुटबल प्रतियोगिताको अन्तिम सेमिफाइनलमा क्यारुनी क्लब दाउफिन्स विजय हुँदै फाइनलको यात्रा तय गरेको छ ।
आज दुहवीमा भएको खेलमा दाउफिन्सले काकडभिट्टा फुटबल ट्रेनिङ सेन्टरलाई तीन शुन्यको फराकिलो गोलअन्तरले पराजित गरेको छ । दाउफिन्सका लागि आनगुविन जे आर ले १० मिनेटमा, पेटनगा ले ३२ मिनेट र टिना टिनाले ३९ मिनेटमा गोल गरेका थिए । आजको खेलको म्यान अफ द म्याच दाउफिन्सका ओनगुविन जे आर घोषित भए ।
शनिवार आर्मी र दाउफिन्स बिच उपाधीका लागि प्रतिस्पर्धा हुनेछ । हिजो भएको खेलमा आर्मीले थ्रि स्टार क्लबलाई पराजीत गरेको थियो ।
एलेभन एरोज क्लब र मनमोहन स्मृति प्रतिष्ठानको संयुक्त आयोजनामा जारी प्रतियोगिताको विजेताले उपाधिसहित नगद ६ लाख हात पार्नेछ भने उपविजेताले ३ लाख प्राप्त गर्नेछ ।