सङ्खुवासभाः आज भएको चैनपुर मेयर कपको दोस्रो खेलमा पाँचखपन नगरपालिकाले भोजपुर नगरपालिकालाई १ का विरुद्ध ६ गोल गर्दै पराजित गरेको छ ।

सबै गोल खेलको दोस्रो हाफमा भएका थिए । जसमा दोस्रो हाफको १० औँ मिनेटमा हिसुब थपलिया, १४ औँ मिनेटमा बुसरी काजिम र १६ औँ मिनेटमा बिटुव लोनले गोल गरेका थिए । त्यस्तै, २२ औँ र २६ औं मिनेटमा बुसरी काजिमले नै गोल गरी ह्याट्रिक गरेका थिए । ३५ औँ मिनेटमा दोर्जे तामाङले गोल गरेका थिए ।

यता, खेलको ३५ आँै मिनेटमा भोजपुरका लक्ष्मण तामाङले सान्त्वना गोल फर्काएका थिए ।