पथरीः यलम्बर युवा क्लबको आयोजनामा मोरङको पथरीमा भोलिदेखि ९ गतेसम्म नगरस्तरीय खुला फुटबल प्रतियोगिता हुने भएको छ ।

प्रतियोगितामा पथरीशनिश्चरे नगरका ८ वटा फुटबल क्लबको सहभागिता रहने भएको छ । फुटबल प्रतियोगिताको आयोजकले शनिबार पथरीमा पत्रकार सम्मेलन आयोजना गरी प्रतियोगिताको बारेमा जानकारी गराएको हो ।

प्रतियोगिताका विजेताले २० हजार १ सय ११ रुपैयाँ र ट्रफी, दोस्रो हुनेले १० हजार १ सय ११ रुपैयाँ र प्रमाणपत्र पाउने आयोजकले जनाएको छ । त्यस्तै, उत्कृष्ट गोलकिपर, उत्कृष्ट डिफेन्सर, उत्कृष्ट फरवार्ड, उदीयमान खेलाडी र सर्वोत्कृष्ट खेलाडीलाई नगद १ हजार ५ सय रुपैयाँ प्रदान गरिने आयोजकले जनाएको छ ।