धनकुटाः १३ औँ अन्तर्राष्ट्रिय आमन्त्रण रामनवमी कप भलिबलको उपाधि झापाले जितेको छ ।
ध

नकुटाको हिलेमा आज सम्पन्न भएको फाइनल खेलमा झापाले एक नम्बर प्रदेश भलिबल टिमलाई हराउँदै उपाधि उचालेको हो । निकै प्रतिस्पर्धात्मक खेलमा झापाले २५–२३, १८ –२५, २६–२४, १८ –२५ र १५ –१२ को सेटले पराजित गरेको हो ।

जीतसँगै झापाले उपाधिसहित नगद रु १ लाख रुपैयाँ हात पारेको छ । उपविजेता एक नम्बर प्रदेशले ५० हजार रुपैयाँमा चित्त बुझाएको छ । गत चैत २८ गतेदेखि सञ्चालन भएको खेलमा भारतको वेस्ट बङ्गालको एक टिमसहित जम्मा ६ टिम सहभागी थिए ।