इटहरीः आठौंँ राष्ट्रिय खेलकुदअन्तर्गत भएको गल्फ प्रतियोगितामा प्रदेश नम्बर १ का खेलाडीले अधिकांश पदक जितेका छन् ।
राष्ट्रिय गल्फमा पुरुषतर्फ टंकबहादुर कार्की र महिलातर्फ प्रतिभा राईले स्वर्ण जितेका छन् । व्यक्तिगत स्पर्धाका विजेता कार्की प्रदेश नम्बर १ का हुन् भने राई प्रदेश नम्बर ३ की हुन् ।
गोकर्ण गल्फ क्लबमा भएको प्रतियोगितामा पुरुषतर्फ शुक्रबहादुर राई दोश्रो तथा निरज तामाङ तेस्रो भए । उनीहरू पनि प्रदेश नम्बर १ कै खेलाडी हुन् ।
त्यस्तै, पुरुष टिममा प्रदेश १ बाट शुक्र, बविन्द्र राई, निरज पहिलो हुँदा आर्मीका निश्चयजंग रायमाझी, सुवास तामाङ र राहुल बिक दोस्रो भए । ३ दिने प्रतियोगितामा ६ महिलासहित ३४ खेलाडी सहभागी थिए । तीन स्पर्धामा प्रतिस्पर्धा भएको थियो ।
_1720278409.jpg)
