बेलबारी: अखिल नेपाल फुटबल सङ्घ एन्फाले एउटै वडाबाट ६ जना खेलाडी छनोट गरेको छ । बेलवारी नगरपालिकाको १० नम्बर वडाका ६ जना छानिएका छन् ।

प्रदेश नम्बर १ बाट १८ जना खेलाडी छनोट भएकोमा मोरङबाट मात्रै १० जना खेलाडी छनोट भएका छन् । बेलवारीको वडा नम्बर १० राधानगरमा रहेको एम्ब्रियो फुटबल एकेडेमीमा आबद्ध खेलाडीहरू छनोट भएका हुन् । छनोट भएका खेलाडीहरू सन याख्खा, रंजित परियार, राहुल राई, सुमित धिमाल, मनोज खुलाल र सजीव मगर छनौटमा परेका हुन् ।

उनीहरूलाई एम्व्रियो क्लबले सम्मान समेत गरेको छ । उक्त एकेडेमीलाई हाल सम्म सिंहदेवी एकेडेमी इंलिस स्कुलले सम्पूर्ण खर्च ब्यहोरा रहेको स्कुलका सञ्चालक रविन थापाले बताए ।

छनौटमा परेका मध्ये रंजीत परियार अन्डर १५ को राष्ट्रिय टोलीमा सहभागी भएर अन्तर्राष्ट्रिय खेलहरु समेत खेलिसकेका छन् ।