धरानः धरान बास्केटबल सङ्घले पहिलो पटक प्रदेशस्तरीय महिला बास्केटबल प्रतियोगिताको आयोजना गर्ने भएको छ ।
डिपो कलेजको खेलमैदानमा यही बैशाख २१ गतदेखि सञ्चालन हुने प्रतियोगितामा विभिन्न विद्यालयका छात्राले प्रतिष्पर्धा गर्ने भएका छन् ।
प्रतियोगितामा विद्यालय, कलेज र क्लबले भाग लिन पाउने आयोजक संस्थाका सचिव विकास चाम्लिङले बताए । प्रतियोगितामा विजयी हुने टिमले १० हजार नगदसहित ट्रफी, मेडल र प्रमाणपत्र प्राप्त गर्नेछन् भने दोस्रो हुनेले नगद ५ हजारसहित मेडल, ट्रफी र प्रमाणपत्र पाउने चाम्लिङले बताए ।
१० टिम सहभागी हुने प्रतियोगितामा उत्कृष्ट खेलाडी र उदीयमान खेलाडीलाई मेडल र प्रमाणपत्र प्रदान गरिने भएको छ ।
_1720278409.jpg)
