तस्बिरः लक्ष्मण थापा
धरानः बाँझोगरा युवा क्लब धरान– १५ को आयोजनामा क्लबस्तरीय खुला महिला तथा पुरुष भलिबल प्रतियोगिता बैशाख २३, २४ र २५ गते हुने भएको छ ।
धरान–१५ स्थित एभरेष्टलाइन खेलमैदानमा हुने प्रतियोगितामा महिला तथा पुरुषतर्फ १०–१० टिम सहभागी हुने आयोजकको अनुमान छ । आयोजक बाँझोगरा युवा क्लबले आइतबार पत्रकार सम्मेलन गरेर दिएको जानकारी अनुसार प्रतियोगिता धरान उपमहानगरपालिकाको संयोजनमा हुने छ ।
पुरुषतर्फको विजेता टिमले ६१ हजार नगद पुरस्कार पाउने र उपविजेताले ३१ हजार नगद पुरस्कार पाउने आयोजक संस्थाका अध्यक्ष देवराज राईले जानकारी दिए । त्यसैगरी, महिलातर्फको विजेता खेलाडीले १५ हजार नगद पुरस्कार र उपविजेताले ८ हजार नगद पुरस्कार पाउने अध्यक्ष राईले जानकारी दिए ।
यो प्रतियोगिता पुरुषतर्फ छैटौं र महिलातर्फ तेस्रो हो । पत्रकार सम्मेलनमा क्लबका पूर्व अध्यक्ष तथा समाजेवी देउमान लिम्बूले प्रतियोगितालाई नियमित सञ्चालन गर्न र क्लबका भावी कार्यक्रमलाई सक्रिय बनाउन विभिन्न क्षेत्रबाट सङ्कलित ६५ हजार रुपैयाँ पनि हस्तान्तरण गरेका थिए ।
_1720278409.jpg)
