बेलबारीः मोरङको बेलबारीमा जारी मेयर कप फुटबल प्रतियोगितामा शुक्रबार भएको खेलमा वडा नम्बर ८ विजयी भएको छ ।

८ नम्बर वडाले ६ नम्बर वडालाई टाइब्रेकरमा शून्यका विरुद्ध एक गोल गर्दै विजयी भएको हो । यो जीतसँगै वडा नम्बर ८ सेमीफाइनलमा प्रवेश गरेको छ । गत वर्ष वडा नम्बर ८ उपविजेता बनेको थियो ।

‘जुट्छ, खेल्छ अनि अगाडि बढ्छ बेलबारी’ भन्ने नारा दिएर मेयर कप प्रतियोगिता सञ्चालन भएको हो । प्रतियोगिताको विजेताले नगद १ लाख १ हजार, ट्रफी, मेडल र प्रमाणपत्र पाउनेछ । त्यस्तै, उपविजेताले नगद ५१ हजारसहित ट्रफी, मेडल र प्रमाणपत्र पाउने आयोजक समितिका सचिव मिलन राईले बताए ।