बेलबारीः मोरङको बेलबारीमा जारी मेयर कप फुटबल प्रतियोगिताअन्तर्गत शनिबार भएको क्वाटर फाइनल खेलमा वडा नम्बर १ विजयी भएको छ ।
१ नम्बर वडाले ५ नम्बर वडालाई ३–० गोल अन्तरले पराजित गरेको हो । आमोस मगरले खेलको ८ औँ मिनेटमा एक गोल गर्दै खाता खोलेका थिए । उनले २२ औं मिनेटमा पुन अर्को गोल गरेका थिए । त्यस्तै, २८ औं मिनेटमा तेस्रो गोल गर्दै उनले ह्याट्रिक पूरा गरे । त्यसपछि दुवै टिमका कुनै पनि खेलाडीले गोल गर्न सकेनन् ।
गत वर्ष विजेता बनेको वडा नम्बर १ यो वर्ष त्यसलाई निरन्तरता दिने लक्ष्यसहित अगाडि बढेको छ । ‘जुट्छ, खेल्छ अनि अगाडि बढ्छ बेलबारी’ भन्ने नारा दिएर मेयर कप सञ्चालन गरिएको हो । प्रतियोगिताको विजेताले नगद १ लाख १ हजार, ट्रफी, मेडल र प्रमाणपत्र पाउनेछ ।
त्यस्तै, उपविजेताले नगद ५१ हजारसहित ट्रफी, मेडल र प्रमाणपत्र पाउने आयोजक समितिका सचिव मिलन राईले बताए । आइतबारको खेल ११ र ३ नम्बर वडाबीच हुने आयोजकले जनाएको छ ।
_1720278409.jpg)
