बेलबारीः मोरङको बेलबारीमा जारी मेयर कप फुटबल प्रतियोगिताको फाइनलमा वडा नम्बर १ पुगेको छ । सोमबार भएको सेमीफाइनल खेलमा बेलबारी ४ लाई २–१ गोल अन्तरले हराउँदै वडा नम्बर १ फाइनलमा प्रवेश गरेको हो । वडा नम्बर १ गत वर्षको विजेता पनि हो ।

‘जुट्छ, खेल्छ अनि अगाडि बढ्छ बेलबारी’ भन्ने नारा दिएर मेयर कप प्रतियोगिता शुरु भएको हो । प्रतियोगिताको विजेताले नगद १ लाख १ हजार, ट्रफी, मेडल र प्रमाणपत्र पाउनेछ । त्यस्तै, उपविजेताले नगद ५१ हजारसहित ट्रफी, मेडल र प्रमाणपत्र पाउने आयोजक समितिका सचिव मिलन राईले बताए । सोमबारको सेमीफाइनल खेल वडा नम्बर ८ र ११ बीच हुने आयोजकले जनाएको छ ।