बेलबारीः मोरङको बेलबारीमा सम्पन्न दोस्रो मेयर कपको उपाधी गत वर्षको उपविजेताले वडा नम्बर ८ ले दोस्रोमा भने उपाधि जितेको छ ।

पहिलो मेयकपमा उपाधि चुमेको १ नम्बरलाई टाइब्रेकरमा हराउँदै ८ नम्बर विजेता बनेको हो । बिहीबार भएको फाइनल खेलमा दुवै वडाका खेलाडीले निर्धारित समयमा बराबरी गोल गरेपछि टाइब्रेकरमा निर्णय लिइएको थियो । प्रतियोगिताको विजेताले नगद १ लाख १ हजार, ट्रफी, मेडल र प्रमाणपत्र प्राप्त गरेको छ ।

उपविजेताले नगद ५१ हजारसहित ट्रफी, मेडल र प्रमाणपत्र प्राप्त गरेको छ । ‘जुट्छ, खेल्छ अनि अगाडि बढ्छ बेलबारी’ भन्ने नारा दिएर बैशाख ३१ गते प्रतियोगिता शुरु भएको थियो । प्रतियोगितामा उदीयमान खेलाडी शेखर लिम्बू, बढी गोलकर्ता जाने मगर, उत्कृष्ट गोलकिपर सुविन मगर, उत्कृष्ट डिफेन्सर सुरेन्द्र खवास घोषित भए ।

त्यस्तै, उत्कृष्ट मिड फिल्डर विवेक पौडेल, उत्कृष्ट स्टाइकर आमोश मगर, उत्कृष्ट प्रशिक्षक सन्देश मगर र उत्कृष्ट खेलाडी अरुण मगर घोषित भएका छन । विजेता तथा उपविजेता टिमलाई बेलबारी नगरपालिकाका मेयर ज्ञानेन्द्र सुवेदी र उपमेयर ढाकाकुमारी पराजुलीले पुरस्कार वितरण गरेका थिए ।