झापाः मेचीनगर नगरपालिका वडा नम्बर ६ ले आयोजना गरेको दोस्रो वडाध्यक्ष कप अन्तर माविस्तरीय खेलकुद प्रतियोगिताअन्तर्गत भएको फुटबल खेलको उपाधि अरुणोदय माध्यमिक विद्यालयले जितेको छ ।
फाइनल खेलमा प्रतिष्पर्धी नर्थ प्वाइन्ट माविलाई २–१ गोल अन्तरले पराजित गर्दै अरुणोदयले उपाधि जितेको हो । जीतसँगै अरुणोदयले नगद १० हजार तथा उपविजेता नर्थ प्वाइन्टले नगद ५ हजार रुपैयाँ तथा शिल्ड पाएका छन् ।
खेलको म्यान अफ दी म्याच नर्थ प्वाइन्टका उज्ज्वल कार्की घोषित भए । उनले नगद ५ सय रुपैयाँसहित ट्रफी हात पारे । यसैगरी उदयीमान खेलाडी तारापुञ्ज माविका सम्मी सुब्बा, बेस्ट डिफेन्डर अरुणोदय माविका सोहन सुब्बा बेस्ट मिल्डफिल्डर अरुणोदयकै किसन सरदार घोषित भए । बेस्ट फरवार्ड नर्थ प्वाइन्टका सन्तोष मोते, बेस्ट गोलकिपर अरुणोदयका असीम तिम्सिना र बेस्ट कोच अरुणोदयका लाक्पा तामाङ घोषित भए ।
कार्यक्रममा कराते तथा क्रिकेट प्रतियोगिताका विजेता तथा उपविजेता टिमसहित विभिन्न विधाका उत्कृष्ट खेलाडीलाई समेत पुरस्कार प्रदान गरिएको थियो ।
_1720278409.jpg)
