पाथीभरा गोल्डकपको तयारी अन्तिम चरणमा, भोली उद्घान हुने

  • श्रावण २९, २०७६
  • २६४ पटक पढिएको
  • प्रदेश पोर्टल
alt


ताप्लेजुङ: ताप्लेजुङमा भोलीदेखि सुरु हुने चौथो पाथीभरा गोल्डकपको तयारी अन्तिम चरणमा पुगेको छ । पूर्वमा बहुप्रतिक्षित मानिने पाथीभरा गोल्डकप प्रतियोगिताका लागि ९० प्रतिशत तयारी पुरा भएको आयोजक लाखेजात्रा खेल सञ्चालन समितिले जानकारी दिएको हो । प्रतियोगिताका लागि खेल मैदानमा प्याराफिट निर्माण लगायतका कार्य पुरा भएका छन् । प्रतियोगितालाई व्यवस्थित र मर्यादित बनाउन विभिन्न उप–समितिहरु गठन गरेर खटाईएको छ भने प्रचार–प्रसारको कार्यलाई समेत तिब्र बनाईएको छ । प्रतियोगिताको भोली १ बजे उद्घाटन गरिने आयोजकका अध्यक्ष नारायण थापाले बताए ।

सदरमुकाम फुङलिङस्थित भानुजन माविको खेल मैदानमा हुने प्रतियोगितामा यू.के. एफ.सि. दार्जेलिङ भारतको समेत गरि १० टीमको सहभागिता हुने निश्चित भएको छ । भोली हुने पहिलो खेलमा पोमु केछाङ ताप्लेजुङ र रेडहर्ष क्लब ईलामबीच प्रतिस्पर्धा हुनेछ । उक्त खेल दिउँसो २ बजेदेखि सुरु हुने आयोजकको भनाई छ ।
यता प्रतियोगिताको पहिलो चरणका खेल हेर्नका लागि १००, सेमिफाईनल खेलका लागि १५० र फाईनल खेलका लागि २०० सय रुपैँयाको टिकट अनिवार्य गरिएको छ । करिब ९ हजार दर्शक अट्ने गरि प्याराफिट निर्माण गरिएको छ भने प्याराफिट बाहेकमा समेत दर्शक अट्न सक्ने व्यवस्था मिलाईएको छ । वर्षेनी पूर्वका हजारौँ दर्शकले अवलोकन गर्ने उक्त प्रतियोगितामा यो पटक १५ हजार बढि दर्शक हुने अनुमान समेत आयोजकको छ ।

भदौ ६ गते सम्पन्न हुने प्रतियोगितामा यू.के.एफ.सि. दार्जेलिङ, गोर्खा स्पोर्टिङ क्लब दमक, एलाभेन एरोज सुनसरी, रेडस्टार क्लब झापा, डाँगीहाट क्लब मोरङ, फिदिम स्पोर्टिङ पाँचथर, बेलबारी फुटबल क्लब, रेडहर्ष ईलाम, ताप्लेजुङ ११ आयोजक र पोमु केछाङ ताप्लेजुङ सहभागी हुनेछन् । पाथीभराको प्रचार–प्रसार गर्दै जिल्लाको पर्यटन प्रर्वद्धनमा सहयोग पु¥याउने उद्धेश्यले उक्त प्रतियोगिताको आयोजना गरिदै आएको छ ।
वि.स.२०२९ सालदेखि निरन्तर लाखेजात्राका अवसरमा प्रतियोगिता सञ्चालन हुँदै आएको छ । २०७२ सालसम्म कञ्चनजंघा च्यालेञ्ज रनिङकप भनेर खेलाईदै आएकोमा त्यस पछि भने पाथीभराको प्रचार–प्रसार गर्ने उद्धेश्य सहित पाथीभरा गोल्डकप बनाईएको हो ।

 

प्रतिक्रिया दिनुहोस

निर्माण उपकरण जल ...

इटहरीः नेपाल निर्माण व्यवसायी महासङ्घले बढ्दो असुरक्षाका कारण निर्माण व्यवसायीले काम गर्ने वातावरण न ...

नेपाली भाषा,संस्कृति ...

इटहरीः उच्च शिक्षासंगै रोजगारका लागि नेपाली युवाहरु विदेशीन बाध्य छन् । कतिपय रहरले विदेशिएका छन् त ...

इटहरी प्रहरीका दुई ज ...

इटहरीः इलाका प्रहरी कार्यालय इटहरीमा कार्यरत दुईजना प्रहरी जवान पुस महिनाको उत्कृष्ट प्रहरी घोषित भए ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • मार्केटिङ प्रमुखः प्रकाश तिम्सिना
  •   (९८६२१२०९७१)
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved