गत वर्षको उपविजेता बाहिरियो, एपीएफ सेमीफाइनलमा प्रवेश

  • आश्विन ६, २०७६
  • ३५९ पटक पढिएको
  • प्रदेश पोर्टल
alt

बेलबारीः एपीएफ क्लब काठमाडौंले मोरङको लक्ष्मीमार्गमा भइरहेको तेस्रो बेलबारी अन्तर्राष्ट्रिय आमन्त्रण गोल्डकपमा झापा–११ लाई २–० गोल अन्तरले पारजित गरेको छ ।

आइतबार सम्पन्न रोमाञ्चक खेलमा झापा–११ लाई २–० गोल अन्तरले स्तब्ध बनाउँदै एपीएफले सेमीफाइनलमा स्थान सुरक्षित गरेको हो । एपीएफका लागि रोहित थापा र हरि कार्कीले १÷१ गोल गरेर सेमीफाइनलका लागि आफ्नो स्थान पक्का गरेका थिए ।

झापाले दुवै गोल बेहोर्नुमा गोलरक्षक दिपांसु राउतको कमजोरी रहयो । रोमाञ्चक खेलमा गोलरक्षक राउतको कमजोरीको फाइदा उठाउँदै विभागीय टोली एपीएफ अघि बढ्दा साविक उपविजेता झापाको पहिलो खेलमै ब्रेक लागेको छ । प्रतियोगिताबाटै बाहिरिए पनि झापा आक्रामक रूपमा खेलमा उत्रिएको थियो । तर फिनिसिङ फितलो हुँदा एपीएफ लम्कियो

२६ औं मिनेटमा रोहित थापाको गोलबाट एपीएफले गोलको खाता खोलेको थियो । थापाले कर्नरबाट गरेको प्रहारलाई गोलरक्षक राउतले क्लियर गर्न नसक्दा झापालाई दबाब परेको थियो । क्लियर गर्ने प्रयास गरेको बलले राउतको हातमा ठोक्किँदै जाली चुम्यो । गोलरक्षक राउतको कमजोरीको फाइदा उठाउँदै ७० औं मिनेटमा हरि कार्कीले गोल थपेर एपीएफ थप बलियो बन्यो । राउत अगाडि बढेको मौका छोप्दै एपीएफकै रामकुमार कुमालले खाली पोस्टमा गरेको प्रहार पोलमा लागेर रिबाउण्ड भएपछि कार्कीले वान टच जाली चुमाउँदा झापा स्तब्ध बन्यो ।

१२ औं मिनेटमा सुदीप शिखरकारको पासमा हरि कार्कीले हेड गरेको प्रहार गोलरक्षक राउतले रोक्दै आफ्नो टिमविरुद्ध शुरुवाती गोलको सङ्कट टारेका थिए । ९० औं मिनेटमा प्रवीण स्याङ्तानले खाली पोस्टमा गरेको प्रहारले सही दिशा लिन नसक्दा खेलमा एपीएफले अर्को गोल थप्न सकेन ।

३६ औं मिनेटमा झापाका सौरभ लिम्बूको कर्नर पासमा राजन माझीको प्रहार दायाँ बार हुँदै बाहिरियो । ४५ औं मिनेटमा अभिषेक गुरुङको प्रहारले विपक्षी बार भत्काउन नसक्दा मध्यान्तर अघि झापाले खेलमा फर्कने अवसर गुमायो । ५२ औं मिनेटमा दिलेन लोक्तामको प्रहारमा पनि एपीएफका गोलरक्षक राजु नगरकोटी बाधक बने ।

५५ आँैं मिनेटमा झापाका सौरभको प्रहार नगरकोटीले उत्कृष्ट ढङ्गले बचाए । ६६ औं मिनेटमा सौरभ वान भर्सेस वानको अवस्थामा चुक्नु पनि झापाका लागि दुर्भाग्यपूर्ण बन्यो । ८७ औं मिनेटमा योगेश गुरुङको प्रहारले विपक्षी बार भत्काउन नसक्दा झापाले सान्त्वना गोल फर्काउने अवसरको पनि सदुपयोग गर्न सकेन ।

खेलको म्यान अफ दी म्याच एपीएफका गोल रक्षक राजु नगरकोटी घोषित भए । उनले नगद ५ हजार रुपैयाँ प्राप्त गरे । सोमबारको खेलमा मदन भण्डारी स्पोर्टस् एकेडेमी काठमाडौं र गोर्खा ब्वाइज क्लब बुटवलबीच भीडन्त हुनेछ ।

 

प्रतिक्रिया दिनुहोस

नर बहादुर कर्मचार्य बहुप्राबिधिक शिक्षालय इटहरीको शिक्षामन्त्रीद्धारा उद्घाटन

इटहरीः नर बहादुर कर्मचार्य स्मृति प्रतिष्ठान सुनसरीद्वारा संचालित  नर बहादुर कर्मचार्य बहुप्राब ...

दाइजो प्रथा र मधेश र पहाडको प्रेमभावमा बनेको ‘सरला’ (भिडियो)

इटहरीः आफ्ना हरेक भिडियोमा कथाको अलवा जिवन र भूगोललाई सुन्दररुपमा प्रस्तुत गरेर भिडियोलाई फिल्मी स्व ...

अपाङ्गता भएका व्यक्तिहरुलाई आत्मनिर्भर बनाउँने अभियानमा छौँःउपप्रमुख पराजुली

बेलबारीः बेलबारीमा २९ औँ अपाङ्गता दिवस मनाइएको छ। बेलबारी नगरपालिकाको आर्थिक सहयोगमा बेलबारी अपांगता ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved