पाहुना टोलीसँग नेपाल पुलिस पराजित

  • आश्विन ८, २०७६
  • ३०१ पटक पढिएको
  • प्रदेश पोर्टल
alt

बेलबारीः रोयल फुटबल क्लब सिलिगुडी भारत तेस्रो बेलबारी अन्तर्राष्ट्रिय आमन्त्रण गोल्डकप फुटबल प्रतियोगिताको अन्तिम चारमा पुगेको छ ।

बेलबारी–११ लक्ष्मीमार्गमा रहेको लक्ष्मी मावि खेल मैदानमा मङ्गलबार भएको अन्तिम क्वार्टरफाइनल खेलमा विभागीय टोली नेपाल पुलिस क्लबलाई टाइब्रेकरमा निराशा बनाउँदै पाहुना टोली भारत विजयी बनेको हो ।

उसले आगामी बिहीबार हुने सेमीफाइनल खेलमा विभागीय टोली एपीएफसँगको भेट पक्का गरेको छ । निर्धारित समय २–२ गोलको बारीबरीमा सकिएपछि खेल टाइब्रेकरमा रोकिएको थियो । टाइब्रेकर पुलिसका लागि दुर्भाग्यपूर्ण बन्यो ।

भारतको जीतमा गोलरक्षक किशोर गिरीको खेल नै पुलिसलाई अफाप सिद्ध भयो । टाइब्रेकरमा भारतका निरज बस्नेत, पोल्साङ लामा, क्लास बस्नेत र सोनाम भुटियाको प्रहारले जाली चुमेको थियो । पुलिसका सुमन लामा र भरत साहको प्रहार मात्रै गोलमा परिणत भयो भने निरकुमार राईको प्रहार रोकेर भारतका गोलरक्षक तथा खेलका म्यान अफ दी म्याच गिरीले उत्कृष्ट प्रदर्शन गरे । बुद्ध बलको प्रहार पोलमा लागेर फर्किएपछि पुलिसको सेमीफाइनल यात्रामा यो खेलका लागि समाप्त बन्यो ।

समान खेलको शुरुवातमै गोलको खाता खोलेर अग्रता बनाए पनि भारतले विजय हासिल गर्न भने टाइब्रेकरसम्म पर्खनुप¥यो । भारतका प्रतीक लामाको कर्नर प्रहारलाई हेड गर्दै अमीर लामाले तेस्रो मिनेटमै बललाई जाली चुमाउँदा पुलिस दबाबमा परेको थियो । त्यसपछि आक्रामक बनेको पुलिसले भारतको शुरुवाती अग्रता ४ मिनेट पनि टिक्न दिएन । सौजन याक्खाले सातौं मिनेटमा गोल फर्काउँदै पुलिसलाई खेलमा फर्काए ।

मध्य भागबाट हेमन्त श्रेष्ठले दिएको पासमा विपक्षी गोलरक्षक गिरी अगाडि बढेको मौका छोप्दै याक्खाले भली गरेर बललाई पोस्टको दिशा दिएपछि खेल बराबरीमा आएको थियो । पहिलो हाफ १–१ गोलको बराबरीमा सकिएको थियो ।

भारतका दीपु वर्मनले ८१ औं मिनेटमा अर्को गोल गरेर खेललाई २–१ को अवस्थामा पु¥याए । निरज बस्नेतको पासमा पुलिसका गोलरक्षक सञ्जित श्रेष्ठलाई बिट गर्दै वर्मनले बललाई वान टच जाली चुमाएका थिए ।

निर्धारित समय सकिन ९ मिनेट समय मात्रै बाँकी रहेको अवस्थामा पनि भारत सम्हालिन नसक्दा खेल टाइब्रेकरमा धकेलिएको हो । अन्तिम समयमा पुलिसका सुमन लामाले गोल फर्काउँदै खेललाई २–२ को बराबरीमा पु¥याएका थिए । भारतका प्रतीक लामाले फल खेलेपछि करीब २५ यार्ड टाढाबाट पाएको फ्रिकिक प्रहारलाई सुमनले सदुपयोग गर्दै बललाई पोस्टको बाटो दिएपछि खेलको छिनोफानो निर्धारित समयमा हुन सकेन ।

दुवै टिमले गोल गर्नका लागि पाएका आधा दर्जन राम्रा अवसरको सदुपयोग गर्न सकेनन् । भारतको तुलनामा अवसर धेरै सिर्जना गरे पनि सदुपयोग गर्न नसक्दा र फिनिसिङ फितलो हुँदा पुलिस नतिजा विमुख बनेर फर्किएको हो । पुलिसका निरकुमार राई, सुमन लामा, भरत साह र बुद्ध बल ‘वान भर्सेस वान’को अवस्थामा गोल गर्न चुक्नु पुलिसका लागि दुर्भाग्यपूर्ण बन्यो । भारतका पनि आदर्श तामाङ, निशान्त लिम्बू र श्याम सरकारको प्रहारले पोस्टको बाटो नदेख्दा खेलको नतिजा निर्धारित समयमा निस्कन सकेन ।

खेलको म्यान अफ दी म्याच भारतका गोलरक्षक किशोर गिरी घोषित भए । उनले ५ हजार नगद पुरस्कार पाए । बुधबार हुने पहिलो सेमीफाइनल खेलमा धरान फुटबल क्लब सुनसरी र मदन भण्डारी स्पोर्ट्स एकेडेमीबीच प्रतिस्पर्धा हुने छ ।

 

प्रतिक्रिया दिनुहोस

नर बहादुर कर्मचार्य बहुप्राबिधिक शिक्षालय इटहरीको शिक्षामन्त्रीद्धारा उद्घाटन

इटहरीः नर बहादुर कर्मचार्य स्मृति प्रतिष्ठान सुनसरीद्वारा संचालित  नर बहादुर कर्मचार्य बहुप्राब ...

दाइजो प्रथा र मधेश र पहाडको प्रेमभावमा बनेको ‘सरला’ (भिडियो)

इटहरीः आफ्ना हरेक भिडियोमा कथाको अलवा जिवन र भूगोललाई सुन्दररुपमा प्रस्तुत गरेर भिडियोलाई फिल्मी स्व ...

अपाङ्गता भएका व्यक्तिहरुलाई आत्मनिर्भर बनाउँने अभियानमा छौँःउपप्रमुख पराजुली

बेलबारीः बेलबारीमा २९ औँ अपाङ्गता दिवस मनाइएको छ। बेलबारी नगरपालिकाको आर्थिक सहयोगमा बेलबारी अपांगता ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved