११ औ राष्ट्रपती रनिङ सिल्ड छनौट प्रतियोगिता धरानमा सुरू

  • फाल्गुन ४, २०७६
  • ६७५ पटक पढिएको
  • प्रदेश पोर्टल
alt

धरानः ११ औ राष्ट्रपती रनिङ सिल्ड प्रतियोगिताका लागि छनौट खेल आइतबार देखि शुरु भएको छ ।
धरान उपमहानगरपालिका स्तरिय राष्ट्रपती रनिङ सिल्ड प्रतियोगिताको छनौट खेलको उदघाटन आइतबार धरान उपमहानगरपालिकाका प्रमुख तिलक राईले धरान १७ स्थित एन्फा एकेडमीको खेलमैदानमा गरेका छन् । धरान नगर खेलकुद विकास समितीको आयोजनामा हुने प्रतियोगिता ७ गते सम्म संचालन हुनेछ ।
आयोजकका अनुसार प्रतियोगितामा हुने ६ वटा खेलमा भलिबल र एथलेटिक्स डिपो उच्च माविमा, कराते र तेक्वान्डो धरान १६ स्थित सेमि कर्भड हलमा र उसु र कबड्डी धरान ९ स्थित कर्भड हलमा हुनेछ । छनौट खेलको उदघाटन गर्दै धरानका मेयर तिलक राईले प्रतियोगितामा खेलाडी विद्यार्थीहरु जसरी सहभागी भएपनि यसलाई अवसरको रुपमा लिनका लागी आग्रह गरे । प्रतियोगिता गर्नका लागी सरकारबाट प्राप्त सानो बजेटमा धरान उपमहानगरपालिकाले केही बजेट थपेर यस प्रतियोगिताको आयोजना गरेको समेत उनले बताए । उनले भने, ’संघिय सरकारबाट प्राप्त न्युन बजेटमा नगरपालिकाले समेत केही बजेट थप गरी प्रतियोगिता आयोजना गरेका छौ, यस प्रतियोगिताले धरानलाई खेलकुदको राजधानी बजाउनका लागी समेत सहयोग पुग्नेमा हामी ढुक्क छौ ।’ प्रतियोगिताबाट उत्कृष्ट खेलाडी जिल्ला, प्रदेश हुँदै राष्ट्रिय स्तरमा पुग्ने भएकाले खेलाडिको सफलताले परिवार संगै समग्र धरानको गरीमा उच्च रहने बताउँदै सबै विद्यार्थी खेलाडीहरुलाई अनुशासित भएर उत्कृष्ट खेल प्रदर्शन गर्न समेत अनुरोध गरे ।
उदघाटनमा नेपाल स्काउट सुनसरीको संयोजकत्वमा धरानको विद्यालयका विधार्थीहरुले मार्च पास समेत प्रस्तुत गरेका थिए । धरानको पब्लिक उच्च मावि, किरातेश्वर मावि, शिक्षा सदन मावि, शारदा बालिका नमुना उच्च मावि, भानु स्मृति मावि, सैनिक आवासिय महाविद्यालय, सुनगाभा स्कुल, ज्ञानोदय मावि र सिद्धार्थ शिशु सदनले मार्च पास प्रस्तुत गरेका थिए ।
कार्यक्रममा शिक्षा, युवा तथा खेलकुद महाशाखाका प्रमुख रत्नबहादुर कटुवाललले यस प्रतियोगिता पालिका स्तरमा धरानमा पहिलो पटक आयोजना गरीएको जनाउदै यस वर्ष समेत तयारी पुरा नभएको बताए । उनले भने, ’अघिल्लो वर्ष देखि नै पालिका स्तरमा आयोजना गरीनुपर्नेमा विविध कारणले गर्न सकिएन, यस वर्ष तयारी पुरा नभए पनि सुरुवात भने गर्ने जमर्को गरेका छौ ।’
धरान नगर खेलकुद विकास समितीका अध्यक्ष सुवास राईको अध्यक्षतामा सम्पन्न उदघाटनमा धरानका उपप्रमुख मञ्जु भण्डारी, १८ का वडाध्यक्ष प्रविण राई, एन्फा प्रदेश १ अध्यक्ष किशोर राई, शशस्त्रका डिएसपी राजेन्द्र श्रेष्ठ लगायतको उपस्थिती रहेको थियो । कार्यक्रमलाई धरान खेलकुद विकास समितीका सदस्य विकास चाम्लिङले संचालन गरेका थिए ।

प्रतिक्रिया दिनुहोस

बीपी प्रतिष्ठानमा एक वर्षमा ४८ करोडसम्मको बेरुजु

धरानः उच्चस्तरीय कार्यदलले सार्वजनिक गरेको प्रतिवेदनमा धरानस्थित बिपी कोइराला स्वास्थ्य विज्ञान प्रत ...

धनकुटाका जनप्रतिनिधिले सरकारी गाडी दुरुपयोग गरेको खुलासा

धरानः धनकुटाको साँगुरीगढी, शहीदभूमि र छथर जोरपाटी गाउँपालिकामा जनप्रतिनिधिले कार्यालयको नाममा रहेका ...

धरानमा ४८ सहित प्रदेश १ मा १ हजार २०१ जनामा कोरोना संक्रमण

इटहरीः प्रदेश १ मा पछिल्लो २४ घण्टामा १ हजार २०१ जनामा कोरोना संक्रमण भएको छ ।  २ हजार ११९ जनाक ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • फाेटाे पत्रकारः गुरू ढकाल, वुलेट खतिवडा
  • मार्केटिङ प्रमुखः देवराज पुरी
  •   ९८६२३०११३८, ९८१९०३१०६२
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2021 - pradeshportal.com All rights reserved