सोलुखुम्बुमा मदन स्मृति प्रदेश स्तरीय पुरुष भलिबल प्रतियोगिता शुरु

  • फाल्गुन ६, २०७६
  • ४५७ पटक पढिएको
  • प्रकाश तिम्सिना
alt

सोलुखुम्बुः तेश्रो मदन स्मृति कप प्रदेश १ स्तरीय पुरुष भलिबल प्रतियोगिता सोलुखुम्बुमा मंगलबारबाट शुरु भएको छ । मदन भण्डारी स्पोट्र्स एकेडेमी १ नम्बर प्रदेश कमिटीको आयोजनामा शुरु भएको प्रतियोगितामा प्रदेश १ को १३ जिल्लाको सहभागिता रहेको छ ।

प्रतियोगिताको उद्घाटन सोलुखुम्बुका संघीय सांसद हेमकमार राई सुरवीर गरे । उद्घाटनका क्रममा सांसद राईले खेलकुदले देशलाई विश्वमा प्रचार गर्न सकिने भन्दै खेलकुदको विकासमा वर्तमान सरकार क्रियाशिल रहेको बताए ।

प्रदेश सांसद एवं नेकपा संसदीय दल प्रदेश १ का प्रमुख सचेतक बुद्धिकुमार राजभण्डारीले ले पर्यटनका माध्यमवाट विश्वमा परिचित सोलुखुम्बुलाई खेलका माध्यमवाट चिनाउन आफूहरु लागि परेको बताए ।

गाउँपालिका महासंघ प्रदेश १ का कोषाध्यक्ष एवं थुलुङ दुधकोशी गाउँपालिकाका अध्यक्ष असिम थुलुङले पर्यटन र खेललाई सँगै अगाडी बढाउनु पर्ने आवश्यक्ता औल्याउए ।
एकेडेमीका प्रदेश १ अध्यक्ष सागर थापाले नेपाल पर्यटन बर्षलाई सघाउ पुर्याउँदै खेल क्षेत्रको विकासको लागि प्रतियोगिता आयोजना गरेको बताए ।

-mg-9206


पहिलो दिनको खेल नतिजा

प्रतियोगिताको पहिलो दिन ८ खेलहरु सम्पन्न भएकाछन् । लिगकम नक आउटका आधारमा खेलाइएको खेलमा मोरङ, ओखलढुंगा, झापा, सुनसरी, सोलुखुम्बु, धनकुटा, ओखलढुंगा र तेह्रथुमले विजयी शुरुवात गरेको छ ।

पहिलो खेलमा सोलुखुम्बुले भोजपुरलाई २५ — १७ र २५ — २० को सोझो सेटमा पराजित गर्यो । मोरङले खोटाङलाई २५ — १४, १२ — २५ र २५ — २० मा पराजित गर्दा ओखलढुंगाले तेह्रथुमलाई २५ — १८ र २५ — २३ मा पराजित गर्यो ।

यस्तै झापाले धनकुटालाई २५ — २० र २६ — २४ को सोझो सेटमा पराजित गर्दा पाँचथर सुनसरीसँग २५ — १९ र २५ — २२ ले पराजित भयो । यसैगरी धनकुटाले इलामलाई २१ — २५, २५ — १९ र २५ — १७ मा पराजित गर्यो ।

ओखलढुंगाले खोटाङलाई २५ — १८ र २५ — १४ मा पराजित गर्दा र मोरङ र तेह्रथुम बीचको प्रतिस्पर्धात्मक खेलमा तेह्रथुम १९ — २५, २५ — २१ र २५ — १५ ले विजयी भयो ।

सोलुखुम्बु सदरमुकामस्थित योङ्ग स्टार क्लवमा जारी प्रतियोगिता फागुण १० मा सम्पन्न हुनेछ । प्रतियोगिताको विजेताले क्रमशः १ लाख ५० हजार, एक लाख र पचास हजार नगदका साथमा ट्रफी, मेडल र प्रमाण पत्र प्राप्त गर्ने आयोजकले जनाएको छ । प्रतियोगितामा प्रथम स्थान प्राप्त गर्ने टिमलाई नेकपा प्रदेश सभाका तर्फवाट थप ५० हजार नगद प्रदान गर्नेछ । सोको घोषणा प्रदेश सांसद बुद्धिकुमार राजभण्डारीले उद्घाटन शत्रमा गरेका हुन् ।उद्घाटनका क्रममा स्थानीय योङ् स्टार क्लव तथा नेवार समाज गुठीले साँस्कृतिक कार्यक्रममसमेत प्रस्तुत गरेको थियो । प्रतियोगितामा प्रदेश १ को ताप्लेजुङ जिल्लाको भने सहभागिता रहेको छैन ।

-mg-9247 -mg-9240

प्रतिक्रिया दिनुहोस

तरुण सभापति सिजनको प ...

इटहरीः बेलायतका रहेका तरुण दल सुनसरीका सभापति सिजन गुरुङको पहलमा त्यहाँ रहेका नेपालीहरुबाट संकलित रा ...

लकडाउनले विचल्लीमा प ...

काँकरभिट्टाः  लकडाउनका कारण विचल्लीमा परेका यात्रुहरुलाई होटल व्यवसायी संघ मेचीनगरले भोली( सुक् ...

कोरोना भाइरस, कोशीन ...

इटहरीः कोरोना भाइरस( कोभिड १९ ) को संक्रमणले विश्व नै आक्रान्त बनेको छ । यो भाइरसको संक्रमणबाट नेपाल ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • महाप्रबन्धकः बद्री भिखारी
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • मार्केटिङ प्रमुखः प्रकाश तिम्सिना
  •   (९८६२१२०९७१)
  • संवाददाताः कविराज घिमिरे (धनकुटा)
  •   नमिन ढकाल(इलाम)
  •   बाबुराम वास्ताेला (संखुवासभा)
  • फाेटाे पत्रकारः गुरू ढकाल, वुलेट खतिवडा
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved