पार्टीलाई गलत दिशातिर लैजान खोज्ने जो कोहीलाई कार्वाही हुन्छः इटहरी नेकपा ईन्चार्ज बिष्ट (भिडियो सहित)

  • बैशाख ३०, २०७७
  • १९९९ पटक पढिएको
  • प्रकाश तिम्सिना
alt

 इटहरीः पार्टीको सिद्धान्त, निती र पद्धती भन्दा बाहिर गएर स्वच्छाचारी तरिकाले अब कसैले बोले पार्टीले कार्वाही गर्ने नेकपा इटहरीका इन्चार्ज केशबकुमार बिष्टले बताएका छन् । उनले कसैलाई त्यसरी चल्ने छुट नभएको बताए ।


इटहरीका मेयर द्धारिकलाल चौधरीले जथाभावी बोलेपछि आएका विवाद र पछिल्लो इटहरीको नेकपाभित्रका गतिविधिका बिषयमा प्रदेश पोर्टल डटकम संग कुराकानी गर्ने क्रममा नगर इन्चार्ज बिष्टले सो कुरा बताएका हुन् ।

उनले व्यक्ति विशेष कारण नगरमा देखिएको विवादका बिषयमा पार्टीको गम्भिर ध्यानकर्षण भएको बताए । व्यक्ति पार्टी भन्दा फरक ढंगले चल्न खोजेका कारण इटहरीमा पटक पटक विवाद उत्पन्न भईरहेको बिष्टको भनाई छ,। उनले भने–‘स्वच्छाचारी तरिकाले अब कसैले पनि चल्न पाउँदैन । पार्टीको सिद्धान्त भन्दा बाहिर जाने र आफ्नो ढंगलेचल्ने जो कोहीलाई अब पार्टीले कार्वाही गर्छ । अब पार्टीका नेतृत्व गर्ने सबै तहका जिम्मेवार नेताहरु चुप लागेर बस्ने छैनन् ।’

उनले यसअघि जे जसो भएपनि अब अब पार्टी निरिह हुने र व्यक्ति बलियो हुने काम कुनै पनि हालतमा हुन नदिने बताए । दुई पार्टी बिच तल्लो तहसम्म एकिकरण भइनसकेकाले पार्टीको कमिटिगत प्रणाली कमजोर भएकाले पार्टीमा स्वच्छाचारी प्रवृति बढ्दै गएकाले समस्याहरु आएको उनले बताए ।

उनले विधि र प्रणाली अनुसार व्यक्ति नचलेका कारण समस्या आएको बताए । उनले मेयर चौधरीको पछिल्लो अभिव्यक्ति प्रति संकेत गर्दै भने –‘व्यक्तिको संस्कार, आचरण, संगत र व्यक्तिगत प्रवृतिका कारण विवादित हुदै आएको हो । अब इटहरी सरकारको नेतृत्व गर्नेले पनि आफ्ना आचरण, व्यवहार, प्रवृति सुधार गर्न जरुरी छ । सच्चिएर अगाडी बढ्नु विकल्प नै छैन् ।’
इटहरी सरकारको नेतृत्वगर्नेहरुबाट राम्रा कामहरु पनि भएका छन् । इटहरीको मुहार फेर्नका लागि पार्टी र नगरवासीमा गरिएको योगदान वहाँहरुको कम छैन् । तर वहाँको स्वच्छचारी प्रवृतिका कारण धेरै गुणहरु ओझेलमा परेका छन् ।

९९ वटा राम्रा काम भएका छन् । १ प्रतिशतको गल्ती सधै विवादित हुदाँ त्यसले व्यक्ति स्वय्मलाई समेत नोक्सान हुने काम भईरहेको बिष्टले बताए । यो कुरा सबैले बुझेर आफुले आत्मसमिक्षा गरि सच्चिएर अगाडी बढ्न जरुरी रहेको उनको भनाई छ ।
उनले नेतृत्वकर्ताहरुले केही कमिकमजोरी गरि हाले त्यसलाई पार्टी सिद्धान्त र पद्धति अनुसार पार्टी भित्र ल्याएर छलफल गर्नुको साटो पार्टी भित्रकै जिम्मेवार व्यक्तिहरुले त्यसलाई बढाई दिने , नेतृत्वका बिचमै आशंका पैदा गर्ने खालका भूमिका खेल्ने कार्य गर्दापनि इटहरीमा विवादहरु देखिएको बताए ।

उनले भने –‘कुनै गुनासा समस्या भए राख्ने ठाँउ भनेको पार्टी कमिटीमा हो । तर पार्टी कमिटीमा कहिले नै दर्ज हुदैन । पार्टी नेतृत्वमा छलफल नै हुदैन । त्यो कुरा चाँही क्यामेरामा , मिडियामा आउछ । यस्तो प्रवृति हावी हुनु गलत हो । यसले भोलिको पुस्तालाई राम्रो सन्देश दिदैन । अरुलाई आरोप लगाउनु भन्दा अगाडी हजारचोटी सोच्नु पर्छ । भोलि पुष्टि गर्नु पर्यो भने आधार के हो त ? भन्ने कुराको पनि विचरा पुर्याउन जिम्मेवार नेताहरुले विचार पुर्याउन जरुरी छ ।’

कसले टिकट दिएन, कसले खुवाएन, पिलाएन, कसले नमस्कार गरेन भनेर जथाभावी बोल्न कसैलाई छुट नभएको उनले बताए । उनले जिम्मेवार नेताले बोलेको कुरा धेरैले ध्यान पुर्याइरहेको हुने हुनाले भोलिका दिन पुष्टि हुन नसके त्यसले बोल्ने नेतालाई नै ठूलो नोक्सान पुर्याउछ, यो कुरा सबैले बुझ्न जरुरी रहेको बिष्टले बताए । उनले आफ्ना कुरा जहाँ कहि राख्दा जिम्मेवार भएर राख्न नेता तथा कार्यकर्ताहरुलाई आग्रह पनि गरेका छन् ।

उनले मेयर उपमेयर बिचमा बाहिर आए जस्तो विवाद नभएको दावी गरे । बिष्टले भने–‘वहाँहरु बीच केही समययता संवादहिनताको वातारण सृजना भएको साँचो हो । मेरै पहलमा इटहरी सरकारका जिम्मेवार व्यक्तिहरुले यसो गर्न मिल्दैन भन्ने कुरा राखेर वहाँहरु बीच संवादको थालनी गराएको छु । पहल अनुसार वहाँहरुले बीच दुई तीन चरणमा संवाद पनि भएको छ । अब पहिलाको जस्तो अवस्था वहाँहरु बीच आउने छैन भन्ने मेरो विश्वास हो ।’


उनले मेयर उपमेयरले विवाद होइन, मिलेर जानुको विकल्पै नभएको बताए । उनले अबको समय भनेको इटहरी सरकारको जिम्मेवार स्थानमा रहेका मेयर उपमेयर मिलेर इटहरीको विकासमा समय खर्चनु पर्नेमा जोड दिए । उनले दुवै जनाले रुपान्तरण हुन पनि आवश्यक रहेको बताए । पछिल्लो समय पार्टीको निर्देशनलाई पनि मेयर उपमेयरले गम्भिरता पूर्वक लिनु भएको छ भन्ने आफ्नो बुझाईरहेको र पुःन पहिलाको अवस्था सृजना नहुनेमा आफु ढुक्क रहेको नगर इन्चार्ज बिष्टले बताए ।

इटहरी सरकार प्रमुखसंग जोडिएका घटनाक्रम लगायतका बिषयमा इटहरी नगर कमिटिका ७ जना सदस्यहरुले पार्टी र नेतृत्वप्रति चिन्ता राखि निवेदन दिएकाले ती लगायत अन्य बिषयमा छलफल गर्न यहि आउने बिहिबार पार्टीको सचिवालय बैंठक राखिएको बिष्टले बताए । बैंठकले यस्ता धेरै बिषयलाई गम्भिरता पूवर्क छलफल गर्ने र एउटा निकास निकाल्ने उनले बताए । बैंठकमा इटहरी सरकारको ५ बर्षे कार्यकालमा आधा समय बेथित गरिसकेको र उसले यो अवधिमा गरेका कार्यहरुको समिक्षा पनि बैंठकमा हुने उनले बताए ।

त्यस्तै अबको बाँकी समयका इटहरी सरकारले अबलम्बन गर्नुपर्ने कार्यहरु र आउँदो आर्थिक बर्षका लागि बन्ने इटहरी सरकारको बजेटमा बारेमापनि बैंठकमा छलफल हुने उनले बताए । सचिवालय बैंठक दुइ समूहमा बिभाजन गरेर हुने छ । बैंठकमा कोरोना संक्रमण रोगथामका बिषयमा भईरहेका कार्य , राहत वितरण लगायतका बिषयमा पनि छलफल हुने उनले बताए ।


उनले इटहरीलाई कसरी सुन्दर, शान्त र संमृद्ध बनाउन सकिन्छ भन्ने तर्फ चाँही चिन्तन गर्न सबैलाई आग्रह गरेका छन् । साना तिना कुरामा अल्झिएर इटहरी विकासको जनताको चाहनालाई नेतृत्वमा रहनेले पनि बुझ्न पर्ने बताए । अब इटहरीलाई कस्तो बनाउने हो ? कति बर्षमा कस्तो अवस्थामा लैजाने हो ? भन्ने बारे सबैले सोच्न जरुरी भईसकेको बताए ।

उनले अबको २० बर्षमा इटहरीलाई नेपालकै तेस्रो ठूलो शहर बनाउन सकिने दावी गरे । त्यसका आधारहरु धेरै नै रहेको तथ्य आफुसंग रहेको बताए । २० बर्षमा इटहरीका तेस्रो मेघासिटी बनाउनका लागि नेतृत्व पनि त्यही अनुसारको हुन पर्ने जरुरी रहेको बताए ।

प्रतिक्रिया दिनुहोस

माछा मार्ने क्रममा नदीमा खसेर मृत्यु

इटहरीः संखुवासभाको मकालु गाउँपालिका ३ एकुवाफेदीमा अरुण नदीमा डुबेर एक जनाको ज्यान गएको छ । मृत्यु हु ...

बेडको उपलब्धता र उपचार पाउने भएपछि मात्र रिफर गर्न निर्देशन

काठमाडौँः स्वास्थ्य तथा जनसङ्ख्या मन्त्रालयले कोरोना भाइरसको सङ्क्रमण बढिरहेकाले सबै अस्पताललाई बेडक ...

गायक प्रमोद खरेलको आवाजमा ‘प्रेमको चिनो’ (भिडियो सहित)

इटहरीः सुगम संगीतमा निकै रुचाइएका गायक प्रमोद खरेलको आवाजमा रहेको ‘प्रेमको चिनो’ को म्यु ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • मार्केटिङ प्रमुखः देवराज पुरी
  •   ९८६२३०११३८, ९८१९०३१०६२
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2021 - pradeshportal.com All rights reserved