लेटाङः नगर भलिबलको आयोजनामा सम्पन्न दोस्रो मेयर कप अन्तर वडा स्तरीय नकआउट भलिबल प्रतियोगिताको उपाधि वडा नं ३ ले हात पारेको छ । लेटाङ नगरपालिकाका नगर प्रमुख शंकर राईको प्रमुख अातिथ्यता समापन भएको प्रतियोगितामा वडा नं ३ ले वडा नं १ लाई ३-१ को सेटमा पराजित गर्दै उपाधि जितेको हो ।
पहिलो सेट वडा नं १ ले २५-२३ मा जिते पनि दोस्रो, तेस्रो र चौथो सेट वडा नं ३ ले २५-२२, २५-२० र २५-२१ ले आफ्नो पक्षमा लगातार पार्न सफल भएको थियो । आजै भएको तेस्रो स्थानको खेलमा लेटाङ वडा नं ५ लाई २५-२३, १५-२५ र १२-२५ को सेटमा पराजित गर्दै वडा नं ६ ले तेस्रो स्थान हासिल गरेको छ ।
ट्रफी सहित विजेता वडा नं ३ ले २०,०००, उपविजेता वडा नं १ ले १०,००० र तेस्रो स्थान हासिल गर्ने वडा नं ६ ले रु ५,००० प्राप्त गरे । वडा नं ९ प्रतियोगितामा अनुशासन टिम घोषित हुँदै रु २,००० प्राप्त गर्न सफल भयो । प्रतियोगिता विधागत उत्कृष्ट तर्फ वडा नं ३ का अनुप विक उत्कृष्ट चेकर, वडा नं १ का सन्देश मगर उत्कृष्ट रेजर, वडा नं ६ का रविन गौतम उत्कृष्ट स्पाइकर घोषित भए भने वडा नं ६ का किशोर राई उत्कृष्ट खेलाडी भए ।
विधागत उत्कृष्ट खेलाडीहरुले जनही रु २,००० प्राप्त गरे । लेटाङ नगरपालिकाका ९ वटै वडाहरु सहभागी प्रतियोगिता असोज ३ गतेबाट सञ्चालन भएको हो । प्रतियोगितालाई लेटाङ नगरपालिका तथा अन्य सहयोगीहरुबाट आर्थिक तथा प्राविधिक सहयोग प्राप्त भएको हो ।
_1720278409.jpg)
