अनेसास अफ्रिका च्याप्टरले गर्यो पहिलो साहित्यिक भेट

  • आश्विन ११, २०७७
  • १५९ पटक पढिएको
  • प्रदेश पोर्टल
alt

अन्तर्राष्ट्रिय नेपाली साहित्य समाज अफ्रिका च्याप्टरले यहि २०७७ असोज १० गते “नेपाली साहित्यमा अफ्रिकाः अनुभव र सिर्जना” विषयक अनलाइन अन्तक्र्रिया कार्यक्रम सम्पन्न ग¥यो ।
उक्त कार्यक्रमको सभापतित्व, च्याप्टरका अध्यक्ष गणेश खड्काले गरे । कार्यक्रमको प्रमुख अतिथि इजिप्टका लागि नेपाली राजदुत महामहिम श्री झविन्द्र अर्याल थिए ।
कार्यक्रम च्याप्टरका महासचिव दुर्गा विनयले सञ्चालन गरेका थिए ।
कार्यक्रमको उद्देश्यमाथि प्रकाश पार्दै च्याप्टरका सल्लाहकार हिक्मत थापा ज्यूले सम्पूर्ण अतिथि र वक्ताहरुलाई स्वागत गरे । मन्तव्य राख्ने क्रममा उनले च्याप्टरको गठन सम्बन्धी प्रकाश पारे । यो पहिलो अन्तक्र्रिया कार्यक्रम रहेको र भविष्य पनि सोही किसिमको अन्तरक्रिया कार्यक्रम गर्दै जाने च्याप्टरको योजना रहेको जानकारी अवगत गराए ।
महामहिम राजदुत झविन्द्र अर्यालले च्याप्टर गठनप्रति शुभकामना र कार्यक्रमको सफलताको शुभकामना व्यक्त गरे ।
कार्यक्रममा अफ्रिकासम्बन्धी आख्यान, नियात्रा र गैरआख्यान लेख्नुहुने श्रष्टात्रय, महेशविक्रम शाह, जीवा लामिछाने र रश्मिशेखर सुवेदीलाई वक्ताको रूपमा आमन्त्रण गरिएको थियो ।
आप्mनो विचार÷अनुभव व्यक्त गर्ने क्रममा मशेशविक्रम शाहले वि.सं. २०५० मा संयुक्त राष्ट्रसंघको पर्यवेक्षकको रूपमा प्रथम पटक अफ्रिका महादेश पहिलोपटक भ्रमण गर्नुभएको जानकारी गराए । मोजाम्बिकबाट शुरू भएको अफ्रिका भ्रमणमा उनले विभिन्न देश भ्रमण गरेर त्यहाँ उपनिवेशीयताले छाडेका कुरीतिहरू, चरम गरिबीहरुलाई कथाको विषय बनाएर लेखिएको बताए । अफ्रिकाका दुःख, संघर्षले आपूmलाई अफ्रिका लेख्न प्रेरित गरेको पनि श्रष्टाले जनाए ।
आप्mनो प्रकाशित ७ आख्यान पुस्तकमा अफ्रिकासम्बन्धी कथाहरू रहेको जानकारी गराए । केही संस्मरण लेख्ने क्रममा रहेको र भविष्यमा सुडान (डार्फर) सम्बन्धी उपन्यास पनि लेख्ने क्रममा रहेको पनि जानकारी गराए ।
अफ्रिकाको कुनै देशको विकास यूरोप र अमेरिकासँग दाँज्नेसम्मको रहेको छ भने कुनै देश चरम गरिबीमा छन् । यो विशाल अन्तरलाई नेपाली साहित्यमा लेखिनु पर्दछ भन्ने धारणा व्यक्त गरे ।
स्कूलमा पढ्दा डार्क कन्टिनेन्ट भनेर पढेता पनि अहिले उज्यालोतिर उन्मुख महादेश हो । र यो अँध्यारोदेखि उज्यालोतिरको यात्रा पनि नेपाली साहित्यमा आउनुपर्छ भन्ने धारणा व्यक्त गरे । अफ्रिकामा भएको सशस्त्र द्वन्द्व भएका छन्, राजनीति कारणले, जातिय कारणले त्यो अरु कुनै महादेशमा छैन । त्यो साहित्यमा लेखिनुपर्छ ।
सबै नेपाली अफ्रिका जान सक्दैनौं तर गएकाले अफ्रिकाको जनजीवन, संस्कृति, कला लेखिदियौं भने नेपाली पाठकले नेपालमै बसेर हामी अफ्रिका देख्न सक्छौं भन्ने धारणा व्यक्त गरे ।
कार्यक्रमका अर्का बक्ता डा.जीवा लामिछानेले आपूmले सानोछँदा अफ्रिका सम्बन्धी सिमितमात्र अध्ययन गरेको कुरा जानकारी गराए । अफ्रिका महादेश डेभिड लिभिंस्टोनले पत्ता लगाएको र डार्क कन्टिनेन्ट भन्दै पढेको अवगत गराए । अफ्रिकासम्बन्धी सँधै नै जिज्ञासा रहेको जानकारी गराए ।
सन् १९८६ मा अध्ययनको क्रममा रसिया पुगेपछि त्यहाँ अफ्रिकी नागरिकलाई हेर्ने दृष्टिकोण फरक रहेको अनुभव गरे । रसियामा अफ्रिकी नागरिकहरुप्रति सहानुभुती रहेको पाए ।
सन् २००४ को डिसेम्बर महिनामा प्रथम पटक इजिप्ट भ्रमण गरेपछि उहाँ अफ्रिका प्रवेश गरेको स्मरण गरे । त्यपछि विभिन्न अफ्रिकी राष्ट्रहरू घुमेर नियात्रा प्रकाशित गरिसक्नुभएको जानकारी गराए ।
प्रकाशित पुस्तक सरसर्ती संसारमा चार अफ्रिकी मुलुक घुमेको नियात्रा संग्रहित छन् भने नयाँ प्रकाशित पुस्तक देशदेशावरमा रूवाण्डा, तान्जेनिया जस्ता मुलुकहरू घुमेको अनुभव संकलित छन् ।
अफ्रिका सम्बन्धी वास्तवमै कम लेखिएको छ नेपाली साहित्यमा । आप्mनो नियात्रामा घुमेको ठाउँको भूगोल, त्यहाँको राजनीति, आम मान्छेको रहनसहन लेख्न बढी रूचाउने लामिछाने, घुम्दाखेरि आपूmले गरेको केही अनुभूतिहरु पनि नियात्रामा समेट्ने गरेको अनुभव सुनाए ।
अफ्रिका अब अन्धकारको महादेशभन्दा पनि उज्यालोतर्फ उन्मुख महादेश बनेको छ ।
त्यस्तै अर्का वक्ता रश्मिशेखरले आप्mनो प्रकाशित पुस्तकसम्बन्धी धारणा व्यक्त गरे । सन् १९९५ मा लेखिएको भएता पनि २००५ मा मात्र प्रकाशित जोहिना यात्रा–उपन्यासको रचनागर्भबारे बोले ।
दक्षिण अफ्रिका पुगेपछि त्यहाँको काला र गोरा जातिबिचको भेदभावको इतिहास, नेल्सन मण्डेलाको त्याग र संघर्ष र गरिबी देखेपछि आपूmलाई जोहिना लेख्न मन लागेको कुरा व्यक्त गरे । जोहिना पछि आपूmलाई त्यसरी कुनै पनि विषयवस्तुले पुस्तक लेख्न नघच्घच्याएको कुरा पनि व्यक्त गरे ।
“हामीले कहिल्यै दासत्व भोगेनौ । हामी जन्मदै स्वतन्त्र जन्म्यौ । अहिले पनि स्वतन्त्र छौं । तर मैले मान्छेले भोग्ने दासत्व त्यहाँ गएर अनुभव गरें । त्यहाँ मान्छेको भूमिलाई उपनिवेश गरियो, धर्मलाई उपनिवेश गरियो, विचारलाई उपनिवेश गरियो । त्यसपछिको विद्रोह, २७ वर्षको कारागार पछि उहाँ स्वतन्त्र भएर उहाँले मिलाएर लानुभयो ।
मैले मिथकका रुपमा पढेको व्यक्तिको कार्यालयअघि पुगेपछि मलाई भित्रैबाट कृति लेख्ने इच्छा जागेर आयो । र मैले कृति लेखें ।”
“हाम्रो भूगोल कसैले उपनिवेश नगरेको होला, तर हामीमाथि वैचारिक उपनिवेश गरिराखेको अवस्था छ । हाम्रो धर्मसंस्कृतिमाथि पनि उपनिवेश हुँदै आइरहेको छ । जानी–नजानी÷बुझेर–नबुझेर हामी बीचमा पनि जातियताका बीजहरू पनि रोपिएको अवस्था देख्छौं । भोलि हुतु–तुत्सीजस्तो झोला बोकेर भिरैभिर, खोलानाला हुँदै अर्काको देशतिर शरणार्थी हुनुपर्ने अवस्था यही जातीय दंगाले ल्याउन सक्ने हुनसक्छ ।”
नेपाललाई तुलना गरेर अफ्रिकाको समाजलाई नेपाली साहित्यमा लेखिनुपर्छ ।
कार्यक्रममा नेपाली डायस्पोरा अध्येता रामजी तिमल्सिनाको प्रश्नमा महेशविक्रम शाहले उहाँको आगामी आउने संस्मरण र उपन्यासमा अफ्रिका भेटिएका नेपालीको कथा÷व्यथा लेखिने पनि जानकारी गराए ।
रामजी तिमल्सिनाले अफ्रिकामा बस्ने लेखकहरु तथा डायस्पोरामा बसेर लेख्ने साहित्यकारहरूले आप्mनो भोगाई, अनुभव, आत्मवृत्तान्त लेखिदिए, त्यसले डायस्पोरा अध्ययन गर्ने अध्येताहरुलाई सहयोग हुने धारणा व्यक्त गरे ।
अग्रज साहित्यकार कृष्ण धराबासीले आप्mनो धारणा राख्ने क्रममा लेख्ने शैली÷क्षमता भएकाले अबको अफ्रिका लेखिनुपर्छ, वर्तमान अफ्रिका लेखिनुपर्छ भने ।
विचार राख्ने क्रममा अध्येता केशव सिग्देलले अफ्रिकन राइटर्स असोसिएनका अध्यक्ष बेन्जा अब्दुल्लाहसँग कुरा गरेर नाइजेरियाका केही छानिएका कविताहरुलाई नेपालीमा अनुवाद गरिएको छ जानकारी गराए । साथै पछिल्लो समय चाइनिज राइटर्स असोसिएसनसँग मिलेर चाइनिज कविहरुको कविताको पनि नेपाली अनुवादको काम भइरहेको पनि जानकारी गराए ।

120223755_357646595360306_6122522044122065098_n
अन्त्यमा, अनेसासका केन्द्रिय अध्यक्ष प्रकाश पौडेल माइलाले अनेसास अफ्रिका च्याप्टरको नवनिर्वाचित कार्यसमितिलाई कार्यक्रम गरेकोमा हार्दिक आभार व्यक्त गरे ।
कार्यक्रमको समापन गर्दै अनेसास अफ्रिका च्याप्टरका अध्यक्ष तथा कार्यक्रमका सभापती गणेश खड्काले अब हामी नेपाली भाषा, सहित्यलाई अफ्रिकामा डुलाउन चाहन्छौं र अफ्रिकालाई नेपाली साहित्यमा घुमाउन चाहेको बताए । अनेसास अफ्रिका च्याप्टर गठनपश्चात् यो पहिलो साहित्यिक कार्यक्रम भएको र अझै थुप्रै महत्वपूर्ण कार्यक्रमहरुलाई निरन्तरता दिने पनि उनले बताए । अनेसासका देश च्याप्टरहरु छन् , तर यो महादेश च्याप्टर भएकोले ठुलो क्षेत्र समेट्नु पनि चुनौती र अवसर दुबै एकसाथ लिएर अघि बढ्ने प्रतिबद्धताकासाथ उपस्थित सबै अतिथि र श्रष्टाहरुलाई धन्यवाद दिए । नेपाली समय बेलुकी ५ बजेदेखी शुरु भएको कार्यक्रम २ घन्टा लामो भएको थियो । कार्यक्रममा झण्डै ३० जनाको अनलाइन सहभागिता र विभिन्न माध्यममा विश्वभरिबाट प्रत्यक्ष-अप्रत्यक्ष अवलोकन भएको थियो ।

प्रतिक्रिया दिनुहोस

यसरी भएको छ ,दशैँःआशीर्वादको रूपान्तरण

एउटा भनाइ नै छ,'जस्तोसुकै मनमुटाव भए पनि दशैँमा टीका लगाउन जानू, सबै मनमुटाव निर्मूल हुन्छ।' दशैँ स ...

श्वास फेर्न कठिन भई वीपी प्रतिष्ठान भर्ना भएका धरानका ५३ बर्षीय पुरुषको मृत्यु

धरानः श्वास फेर्न कठिन भएपछि धरान स्थित वीपी कोइराला स्वास्थ्य विज्ञान प्रतिष्ठान भर्ना भएका ५३ बर्ष ...

चाडपर्व लक्षित सुरक्षाका लागि १२ सय प्रहरी परिचालन

धरानः चाडपर्व लक्षित सुरक्षाका लागि जिल्ला प्रहरी कार्यालय सुनसरीले विशेष सुरक्षा निती तयार गरि जनशक ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved