सेनिटाइजरको गुणस्तर नियमन गर्दै औषधि विभाग, २० उद्योग कारबाहीमा

  • कार्तिक १, २०७७
  • १२२ पटक पढिएको
  • प्रदेश पोर्टल
alt

इटहरीः कोरोना महामारीका बीच देशव्यापी रुपमा सेनिटाइजरको माग बढेसँगै बजारमा गुणस्तरहिन सेनिटाइजरको उत्पादन तथा बिक्री वितरण हुन थालेपछि यसको नियमनका लागि औषधि व्यवस्था विभागले सक्रियता देखाएको छ ।

विभागले गुणस्तरहिन सेनिटाइजर उत्पादन गरी उपभोक्ता ठगी गरेको आरोपमा २० ओटा सेनिटाइजर उत्पादक उद्योगलाई कारबाहीको प्रक्रियामा लगेको विभागका महानिर्देशक नारायणप्रसाद ढकालले जानकारी दिए । अन्य कम्पनीका उत्पादनको पनि गुणस्तर मापन भइरहेको बताउँदै उनले कैफियत भेटिए कारबाही गरिने प्रष्ट पारे । २० ओटा कम्पनीविरुद्ध कारबाहीका लागि सूचना तथा प्रमाण संकलनलाई तिव्रता दिइएको उनको भनाइ छ ।

कस्मेटिक, साबुन तथा स्वास्थ्य सामग्रीका उत्पादकले समेत सेनिटाइजर उत्पादन गरेको पाइएपछि ६ महिनाभित्र मापदण्ड पालना गर्न सचेत गराइएकोमा कुनै पनि उत्पादकले गुणस्तरमा सुधार नगरेको महानिर्देशक ढकालको भनाइ छ । मापदण्डविपरीत इथानोल बाहेकका अन्य रसायनको मिसावट गरेको पाइएपछि विभाग कारबाहीमा उत्रिएको ढकालले बताए । विभागले ७० देखि ८० प्रतिशत अल्कोहलयुक्त सेनिटाइजर उत्पादनको स्वीकृति दिएको बताउँदै उनले मापदण्डभित्र रहेर उत्पादन गर्नेलाई विभागले प्रोत्साहित गरेको उल्लेख गरे ।

गुणस्तरहिन सेनिटाइजरको उत्पादन तथा बिक्री वितरणमा प्रतिबन्ध लगाएको सरकारले गत चैत ९ गतेदेखि असोज २२ गतेसम्म ४० ओटा नयाँ कम्पनीलाई सेनिटाइजर उत्पादनको अनुमति दिएको जनाएको छ । भन्सार विभागको तथ्याङ्क अनुसार आर्थिक वर्ष २०७७र७८ को साउन र भदौमा २६ करोड ४८ लाख २४ हजार रुपैयाँ बराबरको सेनिटाइजर र १४ करोड ५२ लाख १४ हजार रुपैयाँ बराबरको फेस मास्क आयात भएको छ ।

७ लाख १ हजार ३ सय ८१ किलो सेनिटाइजर र १ करोड ६१ लाख ६७ हजार ९ सय २४ केजी फेस मास्क तथा ८ करोड ५५ लाख ६९ हजार रुपैयाँ बराबरको २ लाख १६ हजार ८ सय ९२ किलो अन्य किसिमका डिसइन्फेक्टेड आयात गरिएको विभागले उल्लेख गरेको छ । सेनिटाइजर आयातबाट पाँच करोड ४४ हजार रुपैयाँ राजश्व संकलन गरेको विभागले मास्क आयातबाट दुई करोड ७३ लाख एक हजार रुपैयाँ राजश्व असुल गरेको छ ।

प्रतिक्रिया दिनुहोस

यसरी भएको छ ,दशैँःआशीर्वादको रूपान्तरण

एउटा भनाइ नै छ,'जस्तोसुकै मनमुटाव भए पनि दशैँमा टीका लगाउन जानू, सबै मनमुटाव निर्मूल हुन्छ।' दशैँ स ...

श्वास फेर्न कठिन भई वीपी प्रतिष्ठान भर्ना भएका धरानका ५३ बर्षीय पुरुषको मृत्यु

धरानः श्वास फेर्न कठिन भएपछि धरान स्थित वीपी कोइराला स्वास्थ्य विज्ञान प्रतिष्ठान भर्ना भएका ५३ बर्ष ...

चाडपर्व लक्षित सुरक्षाका लागि १२ सय प्रहरी परिचालन

धरानः चाडपर्व लक्षित सुरक्षाका लागि जिल्ला प्रहरी कार्यालय सुनसरीले विशेष सुरक्षा निती तयार गरि जनशक ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: [email protected]
  • प्रधान सम्पादक: राजेश विद्रोही
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • अंग्रेजी डेस्क प्रमुखः विराट अनुपम
  • फाेटाे पत्रकारः गुरू ढकाल, वुलेट खतिवडा
  • संवाददाताः कविराज घिमिरे (धनकुटा)
  •   नमिन ढकाल (इलाम)
  •  राजन ठटाल (खोटागं)
  •   बाबुराम वास्ताेला (संखुवासभा)
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)

Copyright © 2018 / 2020 - pradeshportal.com All rights reserved