यसपटक लगानी डुब्ने भयोः फूल किसान

  • कार्तिक २२, २०७५
  • १६९ पटक पढिएको
  • वसन्त बान्तवा
alt

धरानः धनकुटाको साँगुरीगढी–४ फाक्सिबका सन्तबहादुर इवाहाङ धरान–१३ स्थित कृषि उपज बजारमा बुधबार बिहानै सयपत्री फूल बिक्री गर्नका लागि झरेका थिए ।
आफैँले उत्पादन गरेको फूल बिक्रीका लागि झरेका उनी फूलको भाउ नपाएपछि निराश देखिन्थे । यसै वर्षदेखि व्यावसायिक फूलखेती थालेका उनी फूलखेती शुरु गर्नुअघि तरकारी खेती गर्थे । ५–६ रोपनीमा खोर्सानी, फूलकोपी लगाउँथे । तर, खोर्सानीको बोट मर्दा घाटा खेप्नुपरेपछि उनी फूलखेतीमा आकर्षित भए । त्यति मात्र होइन रेडियो, टिभी, पत्रपत्रिकामा फूलबाट राम्रो आम्दानी भएको समाचार हेरेपछि उनी झनै फूलखेतीतर्फ प्रेरित भए ।

उनले सुरुवाती चरणमै सोचेजस्तो फूल उत्पादन गरे पनि मूल्य नपाउँदा उनको राम्रो आम्दानी गर्ने सपना फूलखेतीले पनि तुहाइदियो । ‘फूलबाट पनि आम्दानी गर्न सकिएन । यसपटक फूलको भाउ नै छैन,’ उनले भने, ‘तिहार पनि अलिक ढिलो भयो । मजस्तै, खेती गर्ने धेरै भए होला ।’ गत वर्ष मुठाको ५०–६० रुपैयाँसम्म बिक्री भएको सुनेका उनले यसपटक आफूले मुठाको १०–१५ रुपैयाँमा बिक्री गर्नुपरेको सुनाए ।

सन्तबहादुर जस्तै चिन्तित मुद्रामा देखिन्थे अर्का किसान साँगुरीगढी–८ केराबारीका बालकुमार राई । उनी केराबारीका पुराना फूल खेती गर्ने किसान हुन् । तर, यसपटक फूलको भाउ नपाउँदा उनी पनि निराश देखिन्थे ।

‘विगतका वर्षमा एउटा घरमा ८० देखि ९० हजारसम्म भित्र्याएका थियौँ । यसपटक १५–२० हजार भित्र्याउन मुस्किल पर्याे,’ उनले भने, ‘यसपालि फूलको भाउ पाइएन ।’ चाड अलिक अबेला भयो । फूल पनि अलिक धेरै फुल्यो ।’ केराबारीमा मात्र करिब ८ सय जनाले फूलखेती गर्ने गरेको उनी बताउँछन् । तर, खर्च पनि नउठ्ने उनी बताउँछन् । सन्तबहादुर र बालकुमारजस्तै अन्य किसानहरूको अवस्था पनि उस्तै देखिन्थ्यो ।

व्यवसायी पनि घाटामा
किसान मात्रै होइन फूल व्यवसायी पनि आफूहरू घाटामा गएको बताउँछन् । अघिल्लो साल राम्रो मूल्य पाएकाले किसानसँग महङ्गोमा खरिद गरिएको उनीहरू बताउँछन् । धरान–१५ का फूल व्यापारी टीकाराम श्रेष्ठ फूलको व्यापारबाट लगानी नै नउठ्ने बताउँछन् । गत वर्ष भन्दा चार गुणा सस्तो मूल्य भएको उनी बताउँछन् ।
‘पोहोर सालको जस्तो भाउ पाइन्छ भनेर लगानी गरियो । अब डुब्ने भइयो ।’ उनले भने, ‘किनाइ छ मुठाको ३० रुपैयाँ बेचाइ छ १० रुपैयाँ १५ रुपैयाँ अनि ।’ आधा पनि लगानी नउठ्ने उनी बताउँछन् । फूल खेतीमा धेरैको आकर्षण बढेकाले उत्पादन धेरै हँुदा मूल्य नपाएको उनी बताउँछन् । उभोक्ताहरूले भने विगतका वर्षहरूको भन्दा फूल धेरै सस्तो भएको प्रतिक्रिया दिए ।

पहिलेभन्दा फूल धेरै सस्तो पाएको धरान–१३ का तिलक योञ्जन बताउँछन् । ‘यसपाली धेरै फूलले घर सजाउन पाइयो । सस्तो पाइयो खुशी नै मान्नु पर्याे ।’ राज्यले बजारको व्यवस्था नगर्दा यस्तो समस्या भोगनु परेको किसानहरू बताउँछन् । यसरी लगानी डुब्दा किसानहरूमा निराशा छाउने उनीहरू बताउँछन् । फूलखेतीको उचित बजारीकरण सरकारले नै गर्नुपर्ने किसान तथा व्यापारीहरू बताउँछन् ।

बजारमा पहिलो पटक फूलको कारोबार कम मूल्यमा भएको धरानस्थित कृषि उपज बजार स्थलका बजार व्यवस्थापक लक्ष्मण भट्टराईले बताए । उनका अनुसार गत वर्ष ५० प्रतिशत फूल आन्तरिक (स्वदेशी) थियो भने बाँकी भारतबाट आयात गरिएको थियो । तर, यसपटक ९० प्रतिशत बजार आन्तरिक (स्वदेशी) उत्पादनले ढाकेको छ । यसपटक कृत्रिम फूल कृषि बजारमा नभित्रिएको समेत उनले बताए ।

आर्थिक वर्ष २०७४÷०७५ मा २ करोड २५ लाख रुपैयाँको फूलको कारोबार भएको कृषि बजारको तथ्याङ्कमा उल्लेख छ । त्यो भनेको २ सय २५ मेट्रिकटन हो । तर, यसवर्ष करिब ३ करोड रुपैयाँको कारोबार हुने कृषि बजारको अनुमान छ । जुन ५ सय मेट्रिकटन हो । कृषि बजारमा धनकुटा, तेह्रथुम, पाँचथर, मोरङ, उदयपुरलगायत जिल्लाहरूबाट फूल आउने गरेको कृषि बजारले जनाएको छ । बजार व्यवस्थापक भट्टराई भन्छन्, ‘सम्बन्धित निकायले किसानलाई क्यालेण्डरअनुसार फूल लगाउन सिकाए, फूलबाट आत्मनिर्भर मात्र होइन निर्यातसम्मको सम्भावना देखिन्छ ।’

S5460120 S5460124 S5460117 S5460128 S5480003 S5480007 S5480005 S5460122 S5480002 S5460126 S5480006 S5480012

 

प्रतिक्रिया दिनुहोस

भूकम्प दिवसमो इटहरी ...

इटहरीः इटहरीलाई भूकम्पीय दृष्टिले सुरक्षित शहर बनाउन भवन निर्माण संहितालाई कडाइका साथ कार्यान्वयन गर ...

इँटाभट्टाबाट ६ बालमज ...

विराटनगरः मोरङको कटहरी गाउँपालिकामा सञ्चालित एक इँट्टाभट्टाबाट श्रम गरिरहेका ६ जना बालकको उद्धार गरि ...

ढिलासुस्ती र गल्ती ब ...

फाइल तस्बिर झापाः नेपाली काङ्ग्रेसका नेता कृष्णप्रसाद सिटौलाले प्रधानमन्त्रीलाई आत्मसमीक्षासहित ढिल ...

इष्ट टुरिजम इभेन्ट म्यानेजमेन्ट एण्ड मिडिया प्रालिद्धारा प्रकाशित

प्रदेश पोर्टल डटकम

इटहरी उपमहानगरपालिका, सुनसरी, कोशी, नेपाल

  • कम्पनी दर्ता नं. १९४७९७/०७५/०७६
  • स्थायी लेखा नं. ६०६६४३६५८
  • सूचना विभाग दर्ता नं. ९३०/०७५–०७६
  • प्रेस काउन्सिल दर्ता नं. १७१/०७५–०७६
  • फोन नं.: +९७७ २५ ५८२६९०
  • मोबाइल नं.: +९७७ ९८४२०३७४०२
  • इमेल: pradeshportal@gmail.com
  • प्रधान सम्पादक: राजेश विद्रोही
  • महाप्रबन्धकः बद्री प्रसाद पोख्रेल (भिखारी)
  • प्रबन्धकः देवान किराती
  • प्रबन्ध सम्पादकः प्रेमप्रसाद बास्तोला
  • सम्पादकः मिलन बुढाथोकी
  • डेस्क सम्पादकः खेमचन्द्र अधिकारी
  • अंग्रेजी डेस्क प्रमुखः विराट अनुपम
  • राजनीतिक/सामाजिक ब्युरोः विनय बाह्रकोटी
  • स्थानीय सरकार/कानुन ब्युरोः कृष्ण बहाब भट्टराई
  • स्वास्थ्य पृष्ठ संयोजकःडा. सुर्यबहादुर पराजुली (एमडी)
  • लोकसेवा पृष्ठ संयोजकः अनिल पोख्रेल (नायब सुब्बा)
  • लेखाः समीक्षा केसी
  • संवाददाताः कविराज घिमिरे, धनकुटा

Copyright © 2018 / 2019 - pradeshportal.com All rights reserved